Kigali

APR FC yaciye amarenga ko ishobora kwirukana umutoza wayo Zlatko Krmpotic

Imikino   Yanditswe na: Dusingizimana Remy 6 May 2019 Yasuwe: 2864

Ubuyobozi bw’ikipe ya APR FC bwateranye kuri uyu wa Mbere, bufata umwanzuro wo kugabanyiriza inshingano umutoza mukuru wayo Zlatko Krmpotic mu rwego rwo kongera gutuma ikipe igaruka mu bihe byiza.

Zlatko washwanye na bamwe mu bakinnyi bakomeye b’iyi kipe y’ingabo z’igihugu,yamaze kwamburwa inshingano zirimo gutoranya abakinnyi babanza mu kibuga zisubizwa Jimmy Mulisa na Didier Bizimana bamwungirije.

Uyu munya Serbia wageze mu Rwanda mu ntangiriro za Gashyantare,yabwiwe ko atazongera guhirahira apanga abakinnyi 11 babanza mu kibuga byatumye benshi bemeza ko mu minsi mike harasohoka ibaruwa imwirukana.

Amakuru dukesha IGIHE avuga ko mu nama yabaye kuri uyu wa Mbere mu gitondo, itarimo umutoza Zlatko, hemejwe ko umutoza wungirije Mulisa Jimmy,Didier Bizimana ushinzwe kongerera ingufu abakinnyi n’umutoza w’abanyezamu, Mugisha Ibrahim, bazajya bafatanya mu gutoranya abakinnyi 18 bitabazwa ku mukino bakanagena ababanza mu kibuga.

Uyu Zlatko w’imyaka 60, yamaze gutakarizwa icyizere n’ubuyobozi bwa APR FC bitewe no kwanga gukinisha abakinnyi bakomeye barimo Sugira Ernest,Bigirimana Issa,Iranzi Jean Claude,n’abandi.

Biravugwa ko nta gihindutse,Zlatko Krmpotic azirukanwa mu mpera za shampiyona cyangwa nyuma y’igikombe cy’Amahoro.

APR FC isigaje imikino ine muri shampiyona, aho izasura Gicumbi FC ku wa Kane tariki ya 9 Gicurasi mu mukino utaha. Izakina kandi na AS Muhanga (hanze, i Muhanga tariki ya 18 Gicurasi) na Espoir FC (mu rugo, i Nyamirambo tariki ya 25 Gicurasi 2019) na Police FC kuri Stade Mumena tariki ya 1 Kamena 2019.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble bebe

    Mwatinze kubikora rwose Nta nyrng zuyumutoza uretse ibihombo

    1 month ago
  • chat_bubble Ganza

    ubuse muri gasenyi umwaka ushize ko ntagikombe nakimwe batwaye ko batirukanye roberitino, ahubwo bakamuhemba kugurisha abakinnyi bakomeye????

    1 month ago
  • chat_bubble big boss

    Nukuri mubyibutse mukeba yaduciyeho ariko biracyashoboka basaza tukagiterura

    1 month ago
  • chat_bubble Mugenzi

    amarira n’imiborogo abafana ba APR bafite hanzaha birakungura sigusa!! isi yose yumiwe. nonese bashaka guhora batsinda bonyine gusaaaa!

    1 month ago

Inzindi nkuru

Umutoza wa Rayon Sports Robertinho yizihije isabukuru y’amavuko ari kumwe...

Umutoza wa Rayon Sports , Roberto Oliveira Gonçalves do Carmo, uri uri mu...
24 June 2019 Yasuwe: 1278 1

Rayon Sports yatumiye perezida Kagame kuzaza kureba umukino wa nyuma...

Ubuyobozi bwa Rayon Sports burifuza ko nyakubahwa perezida Kagame...
24 June 2019 Yasuwe: 1900 1

Tanzania na Kenya zagaragaje urwego rwo hasi cyane mu gikombe...

Tanzania yatsinzwe ibitego 2-0 na Senegal mu mukino yakozemo amakosa menshi...
24 June 2019 Yasuwe: 1249 0

Rayon Sports izacakirana na AS Kigali muri ½ cy’igikombe cy’Amahoro nyuma yo...

Ikipe ya Rayon Sports yongeye gutombora AS Kigali muri ½ cy’irangiza...
23 June 2019 Yasuwe: 4237 0

Abakinnyi ba Manchester United basabye ubuyobozi bwa Manchester United...

Abakinnyi bakomeye mu ikipe ya Manchester United ndetse n’umutoza wayo Ole...
23 June 2019 Yasuwe: 5269 0

Cristiano Ronaldo yatangaje benshi kubera ahantu yahuriye n’umutoza mushya...

Rutahizamu Cristiano Ronaldo yatumye benshi bacika ururondogoro kubera...
23 June 2019 Yasuwe: 5165 0