Kigali

APR FC yakaniye kunyagirira Anse Reunion ku kibuga cyayo

Imikino   Yanditswe na: Dusingizimana Remy 19 February 2018 Yasuwe: 866

Abakinnyi b’ikipe ya APR FC n’umutoza wayo Jimmy Mulisa batangaje ko bagiye mu gihugu cya Seychelles kongera kunyagira ikipe ya Anse Reunion nkuko babigenje mu mukino ubanza wabereye I Kigali ubwo banyagiraga iyi kipe ibitego 4-0.

APR FC irashaka kongera kunyagira Anse Reunion

Ubwo aba basore bahagurukaga I Kigali berekeza muri Seychelles mu mukino wo kwishyura,batangaje ko nta bwoba bafitiye ikipe ya Anse Reunion ndetse bagiye gushaka ibitego kugira ngo bazahure na Djoriba bafite morale.

Mu kiganiro Jimmy Mulisa yabwiye abanyamakuru ko we n’abakinnyi be bavanye impamba ihagije I Kigali ndetse bifuza kujya kunyagirira iyi kipe ku kibuga cyayo.

Yagize ati “Twiteguye neza uyu mukino wo kwishyura kuko ibyo twakoze n’igice cy’ibyo twifuza kugeraho.Tuzakora ibishoboka byose twongere dutsinde iyi kipe ibitego byinshi.APR FC ifite ubushake bwinshi bwo gutsinda.”

Ikipe ya APR FC yahagurutse kuri iki Cyumweru ndetse umukino wayo na Anse Reunion uteganyijwe ku munsi w’ejo ku wa Kabiri aho uzasifurwa n’abanya Kenya barimo Anthony Ogwayo, Oliver Odhiambo na Stephen Yiembe.

Abakinnyi APR FC yajyanye muri Seychelles:
Kimenyi Yves, Emery Mvuyekure, Fitina Ombolenga, Emmanuel Imanishimwe, Denis Rukundo, Herve Rugwiro, Prince Buregeya, Shaffy Ngaboyisonga, Jean Baptiste ‘Migi’ Mugiraneza, Amran Nshimiyimana, Martin Fabrice Twagizimana, Blaise Itangishaka, Djihadi Bizimana, Issa Bigirimana, Maxime Sekamana, Lague Byiringiro, Muhadjiri Hakizimana, Innocent Nshuti na Jean Claude Iranzi

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Emmy

    Turayihonda

    20 February

Inzindi nkuru

Gor Mahia yambuye abakinnyi bayo bituma bamwe bivumbura banga...

Nubwo ifatwa nk’imwe mu makipe y’icyitegererezo muri Afurika y’Iburasirazuba,Gor
19 September 2018 Yasuwe: 590 0

Rayon Sports yongeye gucibwa akayabo k’amafaranga na CAF kubera imyitwarire...

Rayon Sports na Gor Mahia zaciwe akayabo k’ibihumbi 5 by’idolari kubera...
19 September 2018 Yasuwe: 2519 0

APR FC yasinyishije Ntwari Evode inongerera amasezerano abakinnyi...

Ikipe ya APR FC ikomeje kwiyubaka kuko yamaze gusinyisha umwe mu bakinnyi...
19 September 2018 Yasuwe: 1099 0

David de Gea yahaye igisubizo abanenze uko yitwaye mu gikombe...

Umunya Espagne ukinira ikipe ya Manchester United yatangaje ko nta mwanya...
19 September 2018 Yasuwe: 742 0

Liverpool itsinze PSG ku munota wa nyuma,Messi atangirana imbaraga...

Igitego cya Firmino ku munota wa nyuma w’umukino gifashije Liverpool...
18 September 2018 Yasuwe: 1532 0

Rwatubyaye yatangaje ikizafasha Rayon Sports gutsindira Enyimba ku kibuga...

Myugariro Rwatubyaye Abdul uri mu bihe byiza muri iyi minsi ,yatangaje ko...
18 September 2018 Yasuwe: 2730 0