Kigali

APR FC yakiriye neza umutoza wayo mushya,AS Kigali ikubitirwa I Musanze

Imikino   Yanditswe na: Dusingizimana Remy 18 February 2019 Yasuwe: 2696

APR FC yongeye gushimangira ko ari umukandida ukomeye ku gikombe cya shampiyona y’uyu mwaka,kuko yasanze Amagaju FC ku kibuga cyayo,iyatsinda ibitego 2-1 mu gihe AS Kigali yatahanye agahinda kenshi yatewe na Musanze FC yayitsinze igitego 1-0.

Mu mukino w’umunsi wa 16 wa shampiyona y’u Rwanda,ikipe ya APR FC yafashije umutoza wayo mushya Zlatko Krmpotic gutangira neza akazi ke,kuko yatsinze Amagaju FC ibitego 2-1 byose byinjiye mu gice cya mbere.

APR FC yaburaga abakinnyi benshi bakomeye barimo Migi,abanyezamu bayo babiri barimo Kimenyi Yves na Ntaribi Steven na Hakizimana Muhadjiri,yatsinze Amagaju ibitego 2-1 byinjiye mu gice cya mbere bitsinzwe na Byiringiro Lague ku munota wa 2 na Imran Nshimiyimana kuwa 42 mu gihe Amagaju FC yatsindiwe na Ndikumana Tresor ku munota wa 37, kuri penaliti yateye nyuma y’aho Rugwiro Herve akoreye umupira mu rubuga rw’amahina.

Mu gice cya kabiri,APR FC yagerageje kurinda ibi bitego byayo cyane ko ikibuga cy’Amagaju FC ari kibi cyane,biyifasha gutahana amanota 3.

Uretse kuba APR FC yakiriye umutoza Zlatko Krmpotic,yanakiriye umukinnyi wayo Niyonzima Ally wayikiniye umukino wa mbere abanje mu kibuga.

Ku rundi ruhande, ikipe ya Musanze FC yiyubatse cyane muri iri soko riheruka gufungwa, yakiriye AS Kigali ya Masudi Djuma,iyitsindira ku Ubworoherane igitego 1-0 cyatsinzwe na Kambale Salita Gentil uherutse kuyerekezamo avuye muri Marines FC.

Mu mukino wa mbere w’umutoza Saidi Abedi muri Espoir FC,yakiriye Gicumbi FC iyinyagira ibitego 5-1.

APR FC ihamije umwanya wayo wa mbere n’amanota 38,ikurikiwe na Mukura VS n’amanota 31 mu gihe Rayon Sports ya 3 ifite 31.

Uko imikino iteganyijwe ku munsi w’ejo no kuwa Gatatu:

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rafael Da Silva yatangaje impamvu ikomeye yatumye abura ibitego mu ikipe ya...

Rutahizamu Jonathan Rafael da Silva umaze muri Rayon Sports amezi 6 yavuze...
23 May 2019 Yasuwe: 353 0

KNC yababajwe bikomeye n’uko Gasogi United itatomboye Rayon Sports cyangwa...

Umuyobozi w’ikipe ya Gasogi United akaba na nyirayo,Kakooza Nkuliza Charles...
23 May 2019 Yasuwe: 2259 3

Kirehe FC yahanitse agahimbazamusyi yahaga abakinnyi bayo kugira ngo...

Abakinnyi b’ikipe ya Kirehe FC baheruka guhembwa muri Mutarama uyu...
23 May 2019 Yasuwe: 3309 3

Diego Maradona yafungiwe ku kibuga cy’indege azira kwambura uwahoze ari...

Icyamamare mu mupira w’amaguru Diego Maradona yatangaje ko yafungiwe ku...
22 May 2019 Yasuwe: 2457 1

Jose Mourinho yatangaje inama ikomeye aherutse kugirwa na Cristiano...

Umutoza Jose Mourinho yatangaje ko yigeze kuganira n’umukinnyi ukomeye...
22 May 2019 Yasuwe: 3987 0

Rayon Sports yatomboye AS Kigali mu gihe APR FC ishobora kuzoroherwa...

Kuri uyu wa Gatatu taliki ya 22 Gicurasi 2019,nibwo amakipe yabashije...
22 May 2019 Yasuwe: 2363 0