Kigali

APR FC yanyagiye Gicumbi FC yisubiza umwanya wa mbere wa shampiyona by’agateganyo

Imikino   Yanditswe na: Dusingizimana Remy 9 May 2019 Yasuwe: 2857

APR FC yari imaze iminsi ititwara neza yiyunze n’abafana bayo itsindira Gicumbi FC ibitego 3-1 ku kibuga cyayo,btuma yisubiza umwanya wa mbere wa shampiyona by’agateganyo ku munsi wa 27 wa shampiyona.

Umutoza Zlatko Krmpotic wari umerewe nabi n’abakunzi ba APR FC yiyunze nabo atsinda Gicumbi FC isanzwe igorana ku kibuga cyayo ibitego 3-1,mu mukino umutoza wa Gicumbi FC,Banamwana Camarade yahawe ikarita itukura.

APR FC niyo yatangiye neza umukino,kuko yafunguye amazamu ku munota wa 03 w’umukino,ku gitego cyatsinzwe na Danny Usengimana wari wagiriwe icyizere kuri uyu wa Kane.

APR FC yari izi neza ko ikibuga cya Gicumbi FC kigoye,yavuye mu mukino gatoya niko kwishyurwa iki gitego ku munota wa 14 w’umukino,cyitsinzwe na myugariro Rusheshangoga Michel.

Gicumbi FC ikimara kwishyura yahise ibona uburyo bukomeye imbere y’izamu ubwo umunyezamu Kimenyi Yves yasohokaga ashaka gutera umupira,awutangwa na rutahizamu Okenge Lulu Kevin wahise awuterana igihunga kubera ko izamu ryari ryambaye ubusa,uramutenguha uca ku ruhande.

Gicumbi FC yahise itera ubwoba abakinnyi ba APR FC,bahita batangira kugabanya amakosa byabafashije gutsinda igitego cya kabiri ku munota wa 39 gitsinzwe na Nshuti Savio, wacitse ba myugariro ba Gicumbi barangaye akabanyura hagati.Igice cya mbere cyarangiye ari 2-1.

APR FC yatangiye igice cya kabiri iri hejuru ya Gicumbi,bituma iyobora umukino nta gihunga nubwo nta buryo bufatika bwabonetse kuri ba rutahizamu bayo ngo batsinde igitego cya 3.

Ku munota wa wa 61 w’umukino,umutoza Banamwana Camarade wakunze kugaragara ashwana n’umusifuzi wo ku ruhande ndetse n’uwa kane,yoherejwe mu bafana nyuma yo kubisabirwa n’umusifuzi wa kane, Ambroise.

Kwirukanwa ku ntebe kwakomye mu nkokora Gicumbi FC yashakaga nibura kubona inota rimwe,ntibyayikundira kuko APR FC yari ifite inyota yo gutsinda.

Iminota 90 yarangiye,umusifuzi wa 4 yongeraho 5 itahiriye Gicumbi FC kuko yatsinzwe igitego cya 3 cyatsinzwe na Nshuti innocent winjiye mu kibuga asimbuye Danny Usengimana ku munota wa 63.

Rutahizamu Issa Bigirimana wari umaze iminsi atagaragara mu bakinnyi 18 ba APR FC,yagarutse muri uyu mukino aho yinjiye mu kibuga asimbuye Byiringiro Lague ku munota wa 94.

APR FC yisubije umwanya wa mbere wa shampiyona n’amanota 62, aho irusha Rayon Sports ya kabiri amanota abiri gusa ifite umukino izasura Amagaju FC i Nyamagabe ku wa Gatandatu.

Foto:IGIHE

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Rayon

    Mwitonde mwo gushyuhaguzwa kuko dufite match tutarakina.

    2 weeks ago

Inzindi nkuru

Rafael Da Silva yatangaje impamvu ikomeye yatumye abura ibitego mu ikipe ya...

Rutahizamu Jonathan Rafael da Silva umaze muri Rayon Sports amezi 6 yavuze...
23 May 2019 Yasuwe: 976 0

KNC yababajwe bikomeye n’uko Gasogi United itatomboye Rayon Sports cyangwa...

Umuyobozi w’ikipe ya Gasogi United akaba na nyirayo,Kakooza Nkuliza Charles...
23 May 2019 Yasuwe: 2321 3

Kirehe FC yahanitse agahimbazamusyi yahaga abakinnyi bayo kugira ngo...

Abakinnyi b’ikipe ya Kirehe FC baheruka guhembwa muri Mutarama uyu...
23 May 2019 Yasuwe: 3393 3

Diego Maradona yafungiwe ku kibuga cy’indege azira kwambura uwahoze ari...

Icyamamare mu mupira w’amaguru Diego Maradona yatangaje ko yafungiwe ku...
22 May 2019 Yasuwe: 2483 1

Jose Mourinho yatangaje inama ikomeye aherutse kugirwa na Cristiano...

Umutoza Jose Mourinho yatangaje ko yigeze kuganira n’umukinnyi ukomeye...
22 May 2019 Yasuwe: 4000 0

Rayon Sports yatomboye AS Kigali mu gihe APR FC ishobora kuzoroherwa...

Kuri uyu wa Gatatu taliki ya 22 Gicurasi 2019,nibwo amakipe yabashije...
22 May 2019 Yasuwe: 2369 0