Kigali

Areruya Joseph yatowe nk’umukinnyi w’umwaka wa 2018 muri Afurika mu gusiganwa ku magare

Imikino   Yanditswe na: Dusingizimana Remy 21 December 2018 Yasuwe: 996

Umunyarwanda Areruya Joseph yakoze amateka yo kuba umukinnyi wa mbere muri Africa mu gusiganwa ku magare mu mwaka wa 2018,yigaranzura ibihangange birimo Daryl Impey ukomoka muri Africa y’Epfo ukinira ikipe ya Mitchelton Scott yo muri Australia na Ghebreigzabhier Amanuel umunya Eritrea ukinira Dimension Data nkuru.

Areruya ukinira Delko Marseille Province yitwaye neza muri uyu mwaka wa 2018 yegukana La Tropicale Amissa Bongo 2018, Tour de l’Espoir yatumye u Rwanda ruhagararirwa muri Tour de France y’abatarengeje imyaka 23 anasoreza ku mwanya wa gatatu muri shampiyona ya Afurika yabereye mu Rwanda.

Itsinda ry’abategura isiganwa mpuzamahanga ‘La Tropicale Amissa Bongo’ riyobowe na Bernard Hinault,niryo ryatoreye Areruya Joseph kuba umukinnyi w’umwaka muri Africa muri 2018 ahigitse Daryl impey wegukanye agace muri Criterium du Dauphine uyu mwaka na Ghebreigzabhier Amanuel .

Mu bakinnyi 15 bari bahatanye na Areruya harimo abandi banyarwanda babiri,Mugisha Samuel na Bonaventure Uwizeyimana nabo bagize ibihe byiza cyane muri uyu mwaka w’imikino wa 2018.

Umwaka ushize iki gihembo cyari cyegukanywe na Louis Meintjes ukomoka muri Afurika y’epfo, Areruya Joseph wari watwaye Tour du Rwanda 2017 aza ku mwanya wa kabiri.

Areruya niwe uzaba uyoboye ikipe y’Igihugu y’Amagare izahatanira kwisubiza irushanwa rya La Tropicale Amissa Bongo rizaba muri Mutarama 2019 ari kumwe na Samuel Mugisha, Bonaventure Uwizeyimana,Didier Munyaneza,Nkurunziza Yves na Jean Claude Uwizeye.




Areruya yigaranzuye ibyamamare muri Africa aba umukinnyi w’umwaka wa 2018

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kirehe FC yahanitse agahimbazamusyi yahaga abakinnyi bayo kugira ngo...

Abakinnyi b’ikipe ya Kirehe FC baheruka guhembwa muri Mutarama uyu...
23 May 2019 Yasuwe: 1119 0

Diego Maradona yafungiwe ku kibuga cy’indege azira kwambura uwahoze ari...

Icyamamare mu mupira w’amaguru Diego Maradona yatangaje ko yafungiwe ku...
22 May 2019 Yasuwe: 1828 0

Jose Mourinho yatangaje inama ikomeye aherutse kugirwa na Cristiano...

Umutoza Jose Mourinho yatangaje ko yigeze kuganira n’umukinnyi ukomeye...
22 May 2019 Yasuwe: 3069 0

Rayon Sports yatomboye AS Kigali mu gihe APR FC ishobora kuzoroherwa...

Kuri uyu wa Gatatu taliki ya 22 Gicurasi 2019,nibwo amakipe yabashije...
22 May 2019 Yasuwe: 2142 0

Gasimba ararira ayo kwarika nyuma y’uko APR FC itsinzwe na Muhanga FC...

Umugabo witwa Harerimana Emmanuel uzwi ku izina rya Gasimba wo mu Mujyi wa...
22 May 2019 Yasuwe: 4389 1

Leta ya Washington muri US yemeye gukoresha imirambo nk’ifumbire

Leta ya Washington yabaye iya mbere mu zigize Leta Zunze Ubumwe z’Amerika...
22 May 2019 Yasuwe: 1604 0