Umukinnyi Areruya Joseph yamaze kumvikana n’ikipe ya Delko Marseille Provence yo mu Bufaransa ikina amarushanwa yo ku mugabane w’I Burayi ku rwego rwa mbere.
Uyu musore w’imyaka 22 yasinyiye iyi kipe amasezerano y’imyaka 2 n’iyi kipe ndetse nyuma y’imikino ya Commonwealth iteganyijwe mu kwezi kwa Mata,uyu musore azahita ahura na bagenzi be bazaba bitegura igice cya kabiri cy’amarushanwa akomeye yok u mugabane w’I Burayi. Areruya nawe agiye kujya yambara iyi myenda
Mu kiganiro yagiranye (...)

Sponsored Ad

Umukinnyi Areruya Joseph yamaze kumvikana n’ikipe ya Delko Marseille Provence yo mu Bufaransa ikina amarushanwa yo ku mugabane w’I Burayi ku rwego rwa mbere.


Uyu musore w’imyaka 22 yasinyiye iyi kipe amasezerano y’imyaka 2 n’iyi kipe ndetse nyuma y’imikino ya Commonwealth iteganyijwe mu kwezi kwa Mata,uyu musore azahita ahura na bagenzi be bazaba bitegura igice cya kabiri cy’amarushanwa akomeye yok u mugabane w’I Burayi.

Areruya nawe agiye kujya yambara iyi myenda

Mu kiganiro yagiranye n’ikinyamakuru The New Times yagitangarije ko inzozi ze zibaye impamo ndetse afite amatsiko menshi yo guhura na bagenzi be mu marushanwa yok u mugabane w’I Burayi.

Yagize ati “Nasinye amasezerano y’imyaka 2 kuri uyu wa Gatandatu.Igisigaye ni ukubona ibyangombwa byo gukorera mu Bufaransa.Ndishimye kuba ngiye ku rwego rwo hejuru kandi niteguye kwitanga ngafashe iyi kipe kubona intsinzi.”

Ikipe ya Delko Marseille ni imwe mu makipe 27 ari ku rwego rwa kabiri ndetse ikaba ikinamo abakinnyi 14 gusa,ndetse ikaba itumirwa mu marushanwa yo ahuriramo abakinnyi b’ibihangange mu mukino wo gusiganwa ku magare ku isi.

Delko Marseille Provence KTM ibinyujije ku rubuga rwayo rwa Twitter yatangaje ko yishimiye kwakira umukinnyi Areruya Joseph wegukanye La Tropicale Amissa Bongo.