Kabuhariwe mu mukino wo gusiganwa ku magare mu Rwanda Areruya Joseph amaze kwegukana shampiyona y’igihugu yo gusiganwa ku magare umuntu ku giti cye (ITT) yigaranzuye bagenzi be barimo Nsengimana Jean Bosco.

Sponsored Ad

Uyu musore wageze mu Rwanda muri iki cyumweru akubutse mu Bufaransa mu ikipe ya Delko Marseille Province yerekanye ko uyu mwaka ari ku isonga mu banyarwanda bakina umukino wo gusiganwa ku magare kuko yanikiriye bagenzi be muri iri rushanwa ry’ibirometero 41 akoresheje iminota 54 n’amasegonda 38.

Abatsinze mu byiciro byose

Areruya yabwiye abanyamakuru ko yishimiye kwegukana shampiyona y’igihugu mu gusiganwa umuntu ku giti cye ariko ategereje kwegukana irushanwa ryo gusiganwa mu muhandarizaba ejo ku cyumweru tariki ya 24 Kamena 2018,ataratwara na rimwe.

Mu cyiciro cy’abakobwa uwatsinze ni Tuyishimire Jacqueline ukinira ikipe ya benediction Club y’I Rubavu wakoresheje iminota 41 n’amasegonda 39 mu gihe mu cyiciro cy’ingimbi uwanikiye abandi yitwa UHIRIWE BYIZA Rnus ukinira Muhazi Cycling Club .

Gahunda y’ejo ku cyumweru tariki ya 24 Kamena 2018 :
Gusiganwa mu muhanda ‘Road Race’

Abagabo:Stade Amahoro-Kimironko-Kibagabaga-MTN Center-RDB-Airtel-Stade Amahoro inshuro 12, ku ntera ya 150KM
Ingimbi:Stade Amahoro-Kimironko-Kibagabaga-MTN Center-RDB-Airtel-Stade Amahoro inshuro umunani (8) ku ntera ya 100 KM
Abari n’abategarugori: Stade Amahoro-Kimironko-Kibagabaga-MTN Center-RDB-Airtel-Stade Amahoro inshuro esheshatu (6) ku ntera ya 75 KM.

Uko bakurikiranye muri muri buri cyiciro:
1.Abakuru mu bagabo:
1.ARERUYA Joseph* 54’38"
2.NSENGIMANA Jean Bosco Benediction 55’07"
3.UWIDUHAYE * Benediction 58’46"
4.HAKUZIMANA CCA 1H00’36"
5.MUNYANEZA Didier* Benediction 1H00’55"

2.Ingimbi
1.UHIRIWE BYIZA Rnus MUHAZI CYCLING CLUB 35’59"
2.NZAFASHWANAYO Jean Claude BENEDICTION 36’19"
3.NKURUNZIZA Yves BENEDICTION 36’24"
4.HABIMANA Jean Ecic FLY CLUB 37’09"
5.GAHEMBA Bernabé LES AMIS SPORTIFS 38’05"

3.Abari n’abategarugori
1.TUYISHIMIRE JACKLINE BENEDICTION 41’39
2.IRAKOZENEZA VIOLETTE BENEDICTION 42’28’’
3.NIRERE XAVERINE LES AMIS SPORTIFS 42’30
4.INGABIRE BEATHA LES AMIS SPORTIFS 43’39
5.MANAZABAYO MAGNIFIQUE MUHAZI 44’52’’