Ikipe ya Arsenal iri mu biganiro na Real Madrid kugira ngo ibagurishe umukinnyi wayo ukina hagati witwa Francisco Román Alarcón Suárez,Isco umaze iminsi ashyamirana n’umutoza Santiago Solari.

Sponsored Ad

Uyu musore w’imyaka 26 amaze iminsi yicazwa ku ntebe y’abasimbura ya Real Madrid aho bivugwa ko yamaze gusaba ubuyobozi ko bwamurekura akigendera.

Isco yashwanye n’umutoza Solari mbere y’umukino wa UEFA Champions League baheruka gutsinda AS Roma ibitego 2-0,bituma amukura mu bakinnyi 18 bagombaga gukina uyu mukino ndetse kuva ubwo ntarongera kubona umwanya wo kubanza mu kibuga byatumye yifuza kwigendera ndetse Arsenal yagaragaje ko imwifuza.

Biravugwa ko Isco yifuza kuva muri Real Madrid mu kwezi kwa mbere kubera ko atakibona umwanya wo gukina ndetse kuva Solari yahabwa iyi kipe,amaze gukina iminota 78 gusa mu mikino 5.

Arsenal ihanganye n’amakipe akomeye arimo Juventus, AC Milan, Napoli and Man City, kuri uyu musore uzwiho ubuhanga budasanzwe.

Bimaze iminsi bivugwa ko Real Madrid yifuza Aaron Ramsey aho bivugwa ko Arsenal nayo ishobora kuyisaba kubaha Isco utamerewe neza.


Isco washwanye na Solari arifuza kuva muri Real Madrid