Kigali

Arsenal na Chelsea zamaze gukatisha itike ya ½ cya UEFA Europa League

Imikino   Yanditswe na: Dusingizimana Remy 19 April 2019 Yasuwe: 1480

Amakipe 2 yo mu Bwongereza afite abakunzi benshi mu Rwanda,Arsenal na Chelsea zamaze kugera muri ½ cya UEFA Europa League ndetse zishimiye ko zitazahurira muri iki cyiciro kizagena uzerekeza I Baku muri Azerbaijan, ahazabera umukino wa nyuma.

Arsenal yageze kuri uru rwego isezereye Napoli bari bayiteze cyane,aho mu mukino ubanza yayitsinze ibitego 2-0,mu mukino wo kwishyura yaraye iyitsinze igitego 1-0 cyatsinzwe na Alexandre Lacazette kuri coup Franc yateye ku munota wa 36.

Muri uyu mukino utari uryoheye ijisho, Arsenal ntiyigeze ihabwa akazi gakomeye na Napoli nkuko byari byitezwe ku kibuga cyayo Stadio San Paolo,yorohewe n’ubusatirizi bwayo gusa yatakaje umukinnyi wayo Aaron Ramsey wavunitse imvune ishobora gutuma amara igihe kinini adakina.

Ku rundi ruhande Chelsea FC yari mu rugo yatsinze ikipe ya Slavia Prague ibitego 4-3,nayo ihita iyiserera kuko mu mukino ubanza yari yayitsinze igitego 1-0.

Muri uyu mukino wo kwishyura wagaragayemo ibitego 7,wayobowe na Chelsea mu gice cya mbere itsindamo ibitego 4-1,igice cya kabiri iyi Slavia Pragueiza kuyigaranzura hafi no kuyishyura.

Ibitego bya Chelsea byatsinzwe na Pedro watsinze ibitego 2 ku munota wa 5 n’uwa 27,uwitwa Dele aritsinda ku munota wa 10 hanyuma Giroud atsinda igitego ku munota wa 17 cyabaye icya 10 muri iri rushanwa.

Ibitego bya Slavia Prague byatsinzwe na Soucek w’imyaka 26 hanyuma Sevcik nawe atsinda ibitego ku munota wa 51 na 54.

Arsenal igomba kwakira Valencia yasezereye Villareal mu mukino ubanza wa 1/2 uzaba taliki ya 02 Gicurasi uyu mwaka,uwo kwishyura ube kuwa 09 Gicurasi 2019, mu gihe Chelsea FC izasura bwa mbere Eintracht Frankfurt yo yasezereye Benfica.






Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Byarangiye Bugesera FC yemeye gukina na Rayon Sports saa kumi...

Mu nama yahuje abayobozi ba FERWAFA n’abayobozi b’amakipe ya Bugesera FC na...
18 October 2019 Yasuwe: 1282 0

Rayon Sports yasinyanye amasezerano y’imikoranire na Bank of Africa igiye...

Ubuyobozi bw’ikipe ya Rayon Sports bwasinyanye amasezerano y’imikoranire na...
18 October 2019 Yasuwe: 2034 0

Mashami Vincent yaciye amarenga y’abakinnyi 11 ashobora gukoresha ahangana...

Umutoza Mashami Vincent w’ikipe y’igihugu Amavubi n’abamwungirije basoje...
18 October 2019 Yasuwe: 1673 0

Umutoza wa Ethiopia yamenye ibanga rizamufasha gutsindira Amavubi I...

Umutoza wa Ethiopia Abraham Mebratu, yavuze ko afitiye icyizere ikipe ye...
18 October 2019 Yasuwe: 1476 0

Umukino wa El Clasico wasubitswe kubera gutinya imyigaragambyo yo mu mujyi...

Umukino ukomeye wa Barcelona na Real Madrid wari uteganyijwe kuba kuwa 26...
18 October 2019 Yasuwe: 1077 0

Uruganda rukora sima Nyarwanda rugiye gutuma inzozi z’abana bamamaye nka...

Ubuyobozi bw’uruganda rukora sima Nyarwanda rwa Cimerwa, bwatangaje ko...
18 October 2019 Yasuwe: 1978 0