Kigali

Arsenal na Manchester United zabuze amahirwe yo kurangiza mu makipe 4 ya mbere mu Bwongereza

Imikino   Yanditswe na: Dusingizimana Remy 5 May 2019 Yasuwe: 2110

Arsenal na Manchester United zikomeje gukora amateka mabi muri shampiyona y’Ubwongereza,kuko zanganyije uyu munsi n’amakipe atahabwaga amahirwe,zibura amahirwe yo gukatisha itike ya UEFA Champions League.

Arsenal yari yakiriye Brighton and Hove Albion banganyije igitego 1-1 bituma itakaza burundu amahirwe yo kwerekeza mu mikino ya UEFA Champions League idaherukamo.

Arsenal niyo yafunguye amazamu ku munota wa 09 w’umukino ubwo Nacho Monreal yategerwaga mu rubuga rw’amahina na Alireza Jahanbakhsh,umusifuzi atanga penaliti yinjijwe neza na Pierre-Emerick Aubameyang.

Arsenal yarushaga iyi kipe cyane ndetse byashobokaga ko yinjiza ibitego byinshi mu gice cya mbere ariko abakinnyi bayo basigaye bari ku rwego rwo hasi cyane muri Premier League bananirwa kubyaza umusaruro amahirwe babonye.

Arsenal ikomeje kwitwara nabi cyane mu mpera za shampiyona,yishyuwe iki gitego kuri penaliti ku munota wa 61 w’umukino na Glenn Murray,ubwo Granit Xhaka yategeraga mu rubuga rw’amahina rutahizamu March.Niyo Arsenal yatsinda umukino wa nyuma Tottenham igatsindwa,banganya amanota 70,bagatandukanywa n’ibitego kuko Spurs iyirusha 8.

Ku rundi ruhande,ikipe ya Manchester United nayo yanganyije na Huddersfield Town igitego 1-1 bituma iguma ku mwanya wa 6 wa shampiyona.

Ku munota wa 08 Scott McTominay yatsindiye Manchester United igitego hanyuma cyishyurwa na Mbenza ku munota wa 60 w’umukino.

Chelsea FC yo yatsinze ikipe ya Watford ibitego 3-0 byatsinzwe Ruben Loftus Cheek,David Luiz na Gonzalo Huguain.

Liverpool niyo iyoboye shampiyona n’amanota 94,Manchester City ni iya 2 n’amanota 92 n’umukino itarakina, Chelsea yabashije gufata umwanya wa 3 n’amanota 71,ikurikiwe na Tottenham na 70 mu gihe Arsenal ari iya 5 n’amanota 67,Manchester United ifite 66.Premier League isigaje umukino umwe gusa.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports irimo umwenda w’akayabo ka Miliyoni 600

Rayon Sports yegukanye igikombe cya shampiyona umwaka w’imikino wa 2018-19,...
20 July 2019 Yasuwe: 470 0

Rugwiro Herve yatangaje abakinnyi birukanwe muri APR FC bikamutungura...

Myugariro mushya wa Rayon Sports,Rugwiro Herve yatangaje byinshi ku...
20 July 2019 Yasuwe: 6692 0

Neymar Jr yatangaje myugariro wamubangamiye kurusha abandi bose yahuye...

Umukinnyi Neymar Jr w’imyaka 26 ukina asatira mu ikipe ya PSG yo mu...
20 July 2019 Yasuwe: 4015 0

Matthijs de Ligt yasubije abavuga ko Cristiano Ronaldo ariwe watumye ajya...

Ibinyamakuru byo ku mugabane w’Uburayi bimaze iminsi bivuga ko myugariro...
20 July 2019 Yasuwe: 1449 0

Amakipe yageze ku mukino wa nyuma wa CECAFA Kagame Cup yamaze...

Amakipe yagaragaje imbaraga zidasanzwe mu mikino ya CECAFA Kagame Cup y’uyu...
20 July 2019 Yasuwe: 2107 0

Algeria yatwaye igikombe cya Afurika yaherukaga mu myaka 29...

Ikipe y’igihugu ya Algeria niyo yegukanye igikombe cya Afurika 2019 nyuma yo...
20 July 2019 Yasuwe: 1433 0