Kigali

Arsenal yaguze umunyezamu mushya usimbura Cech watumaga itsindwa

Imikino   Yanditswe na: Dusingizimana Remy 20 June 2018 Yasuwe: 1165

Mu ijoro ryakeye ,ikipe ya Arsenal yatangaje ko yamaze gusinyisha umunyezamu w’Umudage Bernd Leno wakiniraga Bayer Leverkusen,imutanzeho akayabo ka miliyoni 20 z’amapawundi.

Uyu munyezamu w’imyaka 26 y’amavuko,yasinye amasezerano y’imyaka 5 ndetse agiye kuba umunyezamu wa mbere wa Arsenal nyuma y’aho Petr Cech wari nimero ya mbere umwaka ushize yitwaye nabi ntibishimishe abashinzwe gushakira Arsenal abakinnyi.

Leno ni kabuhariwe mu gukuramo penaliti

Mu kiganiro umutoza Unai Emery yagiranye n’abanyamakuru yabatangarije ko uyu muzamu ari kabuhariwe ndetse aje gufasha ikipe ya Arsenal gutera imbere cyane ko yari amaze imyaka 7 ari nimero ya mbere muri Leverkusen.

Yagize ati “Twishimiye ko Leno yahisemo gukorana natwe kandi dutegereje gutangira gukorana nawe mu mukino yo kwitegura umwaka w’imikino utaha.Bernd ni umunyezamu ufite ubuhanga n’ubunararibonye.Amaze imyaka 7 ari umunyezamu wa mbere wa Leverkusen.

Leno avuye muri Leverkusen ayikiniye imikino 304 ndetse mu myaka 7 ayimazemo,yasibye imikino 5 gusa muri Bundesliga ndetse ni umwe mu bakinnyi basigaye bagirirwa icyizere mu ikipe y’igihugu kuko amaze kuyihamagarwamo inshuro 6 nubwo atahamagawe mu gikombe cy’isi.

Leno ahamagarwa mu Budage

Kuza mu ikipe ya Arsenal kwa Leno byashyize ahabi abanyezamu bayo 2,Petr Cech na David Ospina cyane ko uyu aje ari nimero ya 1 nubwo bombi bifuzwa n’andi makipe aho uyu Cech yifuzwa na Napoli,Ospina akifuzwa na Fenerbahce.

Arsenal iri hafi gusinyisha abandi bakinnyi babiri barimo umukinnyi wo hagati Lucas Torreira ukinira Sampdoria na Uruguay ndetse myugariro Sokratis Papastathopoulos ukinira BVB.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Cristiano Ronaldo n’umukunzi we bafunguye inzu y’ubucuruzi bwo gusubiza...

Cristiano Ronaldo yafunguye inzu ikomeye mu mujyi wa Madrid wo muri...
19 March 2019 Yasuwe: 2143 0

Umunyezamu wa Marines FC yagonze umwana n’imodoka arapfa

Umunyezamu w’ikipe ya Marines FC,Rukundo Protogène uzwi nka Tiger ,yagonze...
19 March 2019 Yasuwe: 2061 0

Solskjaer yibasiye abakinnyi ba Manchester United nyuma yo gusezererwa na...

Umutoza w’agateganyo wa Manchester united,Ole Gunnar Solskjaer yababajwe...
19 March 2019 Yasuwe: 2418 0

N’golo Kante yongeye gukora agashya kasekeje cyane abakinnyi b’ikipe...

Umukinnyi N’golo Kante uzwiho kwicisha bugufi no kugira ikinyabupfura,yasekeje
18 March 2019 Yasuwe: 6415 0

Cristiano Ronaldo ashobora gufatirwa ibihano bikarishye kubera uburyo...

Kabuhariwe Cristiano Ronaldo,ufatwa nk’umwami wa UEFA Champions League...
18 March 2019 Yasuwe: 4517 0

Migi yatangaje ikintu yicuza kurusha ibindi kuva yatangira gukina umupira...

Umukinnyi wa APR FC,Mugiraneza Jean Baptiste yatangaje ko ikintu yicuza...
18 March 2019 Yasuwe: 4059 1