skol
fortebet

Arsene Wenger asezeye nabi ku kibuga Old Trafford

Yanditswe: Sunday 29, Apr 2018

Sponsored Ad

Ikipe ya Arsenal itsindiwe ku kibuga cya Old Trafford ibitego 2-1 na Manchester United,mu mukino wa nyuma Arsene Wenger yahakiniye nk’umutoza mukuru wa Arsenal.

Sponsored Ad

Nubwo yakiriwe neza ndetse agahabwa ishimwe na Sir Alex Ferguson,Arsene Wenger ntabwo abashije kwitwara neza ku mukino wa nyuma yakiniye ku kibuga cya Old Trafford bwa nyuma nk’umutoza wa Arsenal, kuko atsinzwe ibitego 2-1 na Manchester United mu mukino yari yaruhukije benshi mu bakinnyi bugarira n’abasatira be.

Ikipe ya Manchester United ibifashijwemo na Paul pogba yafunguye amazamu ku munota wa 16 w’umukino benshi bahita batekereza ko igiye kunyagira Arsenal,gusa siko byagenze kuko Arsenal yari igizwe n’abakinnyi b’abasimbura ndetse n’abana bato yihagazeho igice cya mbere kirangira ari igitego 1-0.

Igice cya kabiri cyatangiye amakipe yombi nta bushake afite bwo gusatira ndetse ubona buri wese yirwanaho gusa Arsenal yaje kwishyura igitego ku munota wa 51 gitsinzwe na Henrikh Mkhitaryan ku mupira yatereye kure umunyezamu David de Gea ntiyabasha kuwukuramo.

Manchester United yagerageje gukora ibishoboka byose ndetse Mourinho yinjiza mu kibuga abakinnyi be basatira botsa igitutu Arsenal byatumye batsinda igitego ku munota wa 2 w’inyongera.

Arsenal ikoze agahigo kabi muri uyu mwaka wa 2018 kuko nta mukino n’umwe irabasha gutsindira hanze y’ikibuga cyayo byatumye benshi bakomeza kwibaza ku mukino igomba gusura Atletico Madrid ku wa kane w’icyumweru gitaha.

Abakinnyi babanje ku mpande zombi:
Manchester United:
De Gea, Valencia, Lindelof, Smalling, Young, Ander Herrera (Fellaini 64), Matic, Pogba, Lingard (Martial 64), Lukaku (Rashford 50), Sanchez.

Arsenal: Ospina, Bellerin, Mavropanos, Chambers, Kolasinac (Monreal 64), Maitland-Niles, Xhaka, Mkhitaryan (Willock 76), Nelson (Welbeck 64), Iwobi, Aubameyang.





Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa