Kigali

Arsene Wenger ugiye kugaruka mu mupira w’amaguru yavuze amagambo akomeye ku ikipe ya Arsenal yatozaga

Imikino   Yanditswe na: Martin Munezero 24 May 2019 Yasuwe: 4137

Arsene Wenger wahoze ari umutoza w’ikipe ya Arsenal yatangaje ko vuba aha agiye kugaruka mu mupira gusa yemeje ko atazi niba azagaruka nk’umutoza.

Mu mwaka w’imikino wa 2017-18 nibwo Wenger yahagaritse gutoza umupira w’amaguru, akazi yari amazemo imyaka 22.

Uyu mugabo w’imyaka 69 yabwiye BBC ko yumvaga azahita agaruka vuba gushaka indi kipe atoza ariko ngo ubu yishimiye kuba atari gutoza.
Avuga ati: “ubu ndi mu mayirabiri…Muzongera mu mbone mu mupira. Ariko nk’umutoza…simbizi”.

Wenger ubu yashoye imari muri kompanyi nshya yitwa PlayMaker ikora iby’ikoranabuhanga mu mupira w’amaguru.

Ibi ngo ntibizamubuza kugaruka mu mupira, umwaka amaze adatoza ngo yabonye umupira mu yindi shusho izamufasha nagaruka.

Yongera ati: “Kuko nta gitutu cyari kindiho nabonye umwanya wo kureba neza umupira. Nabonye amakosa abatoza bakora nsanga ntakongera kuyishyura ukundiNafashe umwanzuro wo kugaruka gutanga ibyo namenye kuko ntekereza ko ubuzima bugira akamaro iyo utanze ibyo uzi”.

Wenger avuga ko atarafata umwanzuro neza niba azagaruka nk’umutoza cyangwa akora ibindi, ibi ngo nibyo azafataho umwanzuro.
Avuga ko akunda cyane umupira kandi azawugarukamo vuba nubwo ataramenya umwanya azaba arimo.

Wenger agira ati: ” Nkumbuye Arsenal kuko umutima wanjye nawusize hariya”.

Kuva mu 1996 uyu mugabo yatwaranye na Arsenal ibikombe bine bya shampiyona y’Ubwongereza na birindwi bya FA, niwe mutoza watoje iyi kipe igihe kirekire anayigiramo ibigwi kurusha abandi..

Arangiza agira ati: “Nahaye ubuzima bwanjye iriya kipe mu myaka 22. Buri munota w’ubuzima bwanjye wari uwa Arsenal, nkumbuye umurage twubatse muri iriya kipe.

“Mfana Arsenal, iteka ryose izahora ari ikipe yanjye”.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Jojo

    Nta bafaransa dushaka muri Arsenal ikipe yacu.

    3 months ago

Inzindi nkuru

Sugira Ernest wakiriwe nk’umwami yavuze ikintu cyamufashije kwitwara neza...

Rutahizamu wa APR FC,Sugira Ernest wongeye kugaruka mu bihe bye byiza...
25 August 2019 Yasuwe: 1766 0

Sarpong yatangaje ba myugariro babiri akunda cyane mu Rwanda n’igitego...

Rutahizamu Sarpong Micheal ukunzwe na benshi mu bakunzi ba ruhago...
25 August 2019 Yasuwe: 2316 0

Kayiranga Baptiste yakoresheje imyitozo ya nyuma muri Sudani aca amarenga...

Umutoza w’agateganyo wa Rayon Sports Kayiranga Baptiste yaraye akoresheje...
25 August 2019 Yasuwe: 2724 0

Abafana ba Manchester United bongeye gukorera igikorwa kigayitse umukinnyi...

Hamaze iminsi inkundura yo gushaka abatutse ku ruhu Paul Pogba nyuma yo...
25 August 2019 Yasuwe: 2966 0

Premier League: Lampard yabonye amanota 3 ya mbere,Manchester United na...

Umutoza mushya wa Chelsea FC,Frank Lampard,yabonye amanota 3 ya mbere nyuma...
24 August 2019 Yasuwe: 2112 0

Umugore wa Mahrez yanenzwe na benshi kubera amashusho yafashwe amanitse...

Umugore w’umukinnyi Riyad Mahrez witwa Rita yanenzwe na benshi kubera ukuntu...
24 August 2019 Yasuwe: 5081 0