Kigali

Arsene Wenger uri gushakwa n’amakipe 3 akomeye ku isi yabuze amahitamo y’iyo yerekezamo

Imikino   Yanditswe na: Dusingizimana Remy 6 November 2018 Yasuwe: 2214

Uwahoze ari umutoza wa Arsenal,Arsene Wenger ari mu gihirahiro cyo guhitamo ikipe yerekezamo kuko amakipe akomeye arimo Real Madrid,PSG na AC Milan yose amwifuza.

Arsene Wenger wamaze imyaka 22 atoza Arsenal arifuzwa na Real Madrid kugira ngo asimbure Julen Lopetegui uherutse kwirukanwa kubera umusaruro mubi aho iyi ari inshuro ya 2 iyi kipe y’ubukombe iburayi imwifuje.

Wenger watoje Arsenal imyaka 22 arifuzwa n’amakipe 3 akomeye ku isi

Amakuru yatangajwe n’ikinyamakuru Paris United ni uko uyu musaza w’imyaka 68 yahamagawe na perezida wa Real Madrid,Florentino Perez kugira ngo amuhe akazi ariko ibyavuye mu biganiro byabo bitarasobanuka.

Benshi mu batoza Real Madrid ishaka bayiteye utwatsi barimo Mauricio Pochettino wanze miliyoni 15 ku mwaka yamuhaga ngo asezere muri Tottenham mu gihe Antonio Conte we yanzwe n’abakinnyi barimo Sergio Ramos.

Wenger kandi arifuzwa na AC Milan kugira ngo asimbure umutoza Genaro Gattuso uri gutsindwa umusubirizo,kugira ngo azure iyi kipe ifite ibikombe 8 bya UEFA Champions League.

Wenger ashobora kwerekeza mu ikipe ya AC Milan kubera ko Ivan Gazidis wahoze ari chief Executive wa Arsenal nawe yayerekejemo ndetse biravugwa ko umuherwe wa AC Milan, Paul Singer,yakundaga kureba imikino ya Premier League ndetse akunda cyane umutoza Arsene Wenger.

PSG nayo irifuza Wenger kugira ngo ayibere umuyobozi w’imikino ndetse ayobore umutoza Thomas Tuchel utoza iyi kipe ikomeye mu Bufaransa.

Wenger aherutse gutangaza ko azagaruka mu kazi mu kwezi kwa mbere, none amakipe ari kwisukiranya amushaka ngo amukure mu bushomeri yatangiye muri kamena uyu mwaka.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rafael Da Silva yatangaje impamvu ikomeye yatumye abura ibitego mu ikipe ya...

Rutahizamu Jonathan Rafael da Silva umaze muri Rayon Sports amezi 6 yavuze...
23 May 2019 Yasuwe: 2560 0

KNC yababajwe bikomeye n’uko Gasogi United itatomboye Rayon Sports cyangwa...

Umuyobozi w’ikipe ya Gasogi United akaba na nyirayo,Kakooza Nkuliza Charles...
23 May 2019 Yasuwe: 2571 3

Kirehe FC yahanitse agahimbazamusyi yahaga abakinnyi bayo kugira ngo...

Abakinnyi b’ikipe ya Kirehe FC baheruka guhembwa muri Mutarama uyu...
23 May 2019 Yasuwe: 3806 3

Diego Maradona yafungiwe ku kibuga cy’indege azira kwambura uwahoze ari...

Icyamamare mu mupira w’amaguru Diego Maradona yatangaje ko yafungiwe ku...
22 May 2019 Yasuwe: 2581 1

Jose Mourinho yatangaje inama ikomeye aherutse kugirwa na Cristiano...

Umutoza Jose Mourinho yatangaje ko yigeze kuganira n’umukinnyi ukomeye...
22 May 2019 Yasuwe: 4089 0

Rayon Sports yatomboye AS Kigali mu gihe APR FC ishobora kuzoroherwa...

Kuri uyu wa Gatatu taliki ya 22 Gicurasi 2019,nibwo amakipe yabashije...
22 May 2019 Yasuwe: 2411 0