Umutoza Arsene Wenger wamaze imyaka 22 atoza ikipe ya Arsenal yanze akazi yahabwaga n’ikipe ya Fulham yo mu cyiciro cya mbere mu Bwongereza yirukanye umutoza wayo Slavisa Jokanovic nyuma yo gutsindwa na Liverpool.

Sponsored Ad

Ku munsi w’ejo nibwo byamenyekanye ko umutoza Claudio Ranieri ariwe wagizwe umutoza wa Fulham iri ku mwanya wa nyuma muri Premier League y’uyu mwaka,gusa amakuru ahari ni nyiri iyi kipe Shahid Khan yifuzaga guha akazi Arsene Wenger akabyanga.

Shahid Khan yahamagaye Wenger amubwira ko yifuza kumuha akazi gusa uyu Mufaransa yarabyanze aho bivugwa ko atifuza gutoza indi kipe yo mu Bwongereza nyuma ya Arsenal.

Wenger yatangarije Bein Sports ko azatangaza aho azerekeza mu kwezi kwa mbere aho yemeje ko nta kintu aravugana n’ikipe ya AC Milan bivugwa ko ashobora kwerekezamo.

Bivugwa ko ikipe ya Bayern Munich yifuza umutoza Wenger ndetse ishobora kuzamuha akazi mu kwezi kwa Mbere igihe cyose Nico Kovac yakomeza kwitwara nabi.