Uwahoze ari umutoza wa Arsenal akayimaramo imyaka 22,Arsene Wenger yatangaje ko atifuje kugaruka ku kibuga Emirates yagize uruhare runini mu kubaka,kubera ko yashakaga ko umutoza wamusimbuye Unai Emery akora akazi ke neza nta gitutu.

Sponsored Ad

Umutoza Arsene Wenger yavuze ko kuba ataragaruka mu kazi ko gutoza atari uko yakabuze ngo ahubwo hari amakipe menshi yamushatse arayangira.

Uyu mutoza watwaye Premier League 3 mu myaka 22 yamaze muri Arsenal yavuze ko yifuje kutagaruka cyane ku kibuga Emirates kugira ngo Emery akore akazi ke neza.

Yagize ati “Ndacyavugana na bamwe mu bantu bari mu ikipe ariko ndabizi neza iyo ugiye muri buriya buryo nta kintu na kimwe uba usizemo.Uba ugomba kureka umuntu uje agakora akazi mu buryo bwe.Nashatse kujya kure ye.Haracyari kare kuba nasubirayo.Ntabwo ndasubira mu ikipe.”

Arsene Wenger yatwaye Premier League 3,FA Cup 7 na Community Shields 7 kuva mu mwaka wa1996 kugeza 2018 ubwo yari umutoza wa Arsenal.