Kigali

As Kigali igiye kwirukana abakinnyi 12 biganjemo abayihenze umwaka ushize ntibatange umusaruro

Imikino   Yanditswe na: Dusingizimana Remy 28 July 2018 Yasuwe: 2287

Ikipe ya AS Kigali igiye gukora impinduka isezerere abakinnyi 12 batatanze umusaruro igure abandi 12 mu rwego rwo gukomeza kwiruka ku gikombe babuze mu mwaka w’imikino ushize.

AS Kigali yakoresheje ingengo y’imari ya miliyoni 300 z’amafaranga y’u Rwanda mu mwaka w’imikino ushize, ntiyabashije kwegukana igikombe na kimwe mu bihatanirwa mu Rwanda gusa yabaye iya kabiri muri shampiyona inyuma ya APR FC,bitashimishije ubuyobozi bwayo none bwafashe umwanzuro wo gukubura abakinnyi 12 bose.

Mu kiganiro IGIHE dukesha iyi nkuru yagiranye na Visi Perezida wa AS Kigali Havuguziga Charles, yavuze ko mu nama bakoze yiga ku buryo umwaka ushize wagenze, basanze harabayeho gutera imbere kuko yashoboye kubona umwanya wa kabiri bitandukanye n’uwa kane yari yasojeho mu 2016-2017, bituma n’umutoza Eric Nshimiyimana ashobora guhabwa andi mahirwe.

Yagize ati “Umwaka ushize hari habayeho gutera imbere bigaragara ku buryo n’umutoza twumva twamuha undi mwaka. Kugeza ubu icyo twamusabye ni uko aduha abakinnyi yifuza ko twamuzanira ndetse n’abo twarekura batatanze umusaruro.Ibyo twaganiriye ni uko yaduha igikombe umwaka utaha ubundi tugasohokera igihugu. Yaduhaye amazina y’abakinnyi 12 batatanze umusaruro tuzarekura bakajya gushakira ahandi, tukaba twifuza ko twakongeramo abandi nkabo baza kudufasha kugera ku ntego zacu.”

AS Kigali yamaze gusinyisha rutahizamu Elias Maguri ukomoka muri Tanzania amasezerano y’imyaka ibiri akubutse muri Oman ndetse biravugwa ko igiye gusinyisha Kwizera Pierrot na Manishimwe Djabel ba Rayon Sports.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Antonio Rudiger yatangaje ko abakinnyi barambiwe umutoza Maurizio...

Myugariro wa Chelsea Antonio Rudiger yatangaje ko abakinnyi barambiwe...
21 February 2019 Yasuwe: 1304 0

Micheal Sarpong niwe watowe nk’umukinnyi mwiza witwaye neza muri...

Rutahizamu ukomoka muri Ghana Sarpong Micheal niwe watowe nk’umukinnyi mwiza...
21 February 2019 Yasuwe: 1027 0

Atletico Madrid yatsinze Juventus yibikira impamba ikomeye ishobora...

Ikipe ya Atletico iri mu nzira nziza yo kwerekeza mu mikino ya ¼ cy’irangiza...
21 February 2019 Yasuwe: 1132 0

Umukinnyi Dele Alli yabenze umukunzi we mu ibanga amusimbuza uwo bahuriye...

Umwongereza Dele Alli ukinira ikipe ya Tottenham yabenze umukunzi we Ruby...
20 February 2019 Yasuwe: 3133 0

Jules Ulimwengu yavuze byinshi ku rugendo rwe muri Rayon Sports n’umukinnyi...

Rutahizamu mushya wa Rayon Sports watangiye kwigarurira abafana kubera...
20 February 2019 Yasuwe: 3225 0

FERWAFA yakuriye inzira ku murima ikipe ya Mukura VS yashakaga ko umukino...

FERWAFA yamaze kwandikira Mukura VS iyimenyesha ko icyifuzo cyayo cy’uko...
20 February 2019 Yasuwe: 1373 0