Kigali

AS Kigali yakoreye imyitozo ya mbere muri Uganda mbere yo gucakirana na Proline FC

Imikino   Yanditswe na: Dusingizimana Remy 27 September 2019 Yasuwe: 1286

Ikipe ya AS Kigali yaraye ikoreye imyitozo ya mbere ku kibuga cya Lugogo mbere yo guhura na Proline mu mukino wo kwishyura mu mikino yo mu ijonjora rya kabiri ryo kwerekeza mu matsinda ya CAF Confederations Cup, uteganyijwe kuri uyu wa gatandatu tariki ya 28 Nzeri.

AS Kigali yanganyije igitego 1-1 na Proline FC mu mukino ubanza wabereye I Kigali,yagiye muri Uganda ishaka gutsinda uyu mukino kugira ngo irebe ko yakwerekeza mu ijonjora rya nyuma rishobora kubafasha kugera mu matsinda bakarya amadolari ya CAF.

Nubwo AS Kigali yajyanye Haruna Niyonzima ntabwo azakina uyu mukino uteganyijwe ku munsi w’ejo saa 15:00 za hano I Kigali,kubera imyirondoro ye itandukanye CAF ifite.

Umutoza Nshimiyimana Eric wa AS Kigali,yavuze ko afite icyizere cyo kwitwara neza i Kampala nkuko yabigenje i Dar es Salaam asezerera KMC iwayo ku bitego 2-1 mu cyiciro giheruka.

Yagize ati “ Mu minota 90 isigaye y’umukino, tugiye kureba uko tuzitwara hariya dore ko twanagaragaje ko gutsindira hanze tubishoboye.Bizasaba imbaraga no gukora cyane no gushyira mu bikorwa ibyo tumaze iminsi twitoza, turizera ko bizaduha umusaruro i Kampala.”



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ku rutonde rw’abakinnyi 10 ba mbere beza b’ikinyejana cya 21,Lionel Messi...

Umunya-Argentine Lionel Andres Messi ukinira FC Barcelona yo mu gihugu cya...
21 October 2019 Yasuwe: 125 0

Abakinnyi 30 bazavamo uwegukana Ballon d’Or bamaze kumenyekana

Muri uyu mugoroba wo kuri uyu wa Mbere taliki ya 21 Ukwakira...
21 October 2019 Yasuwe: 686 0

Umugabo wagenderaga mu mutaka yaparitse mu kibuga rwagati ahagarika umukino...

Umugabo utavuzwe amazina yakoze amahano amanukira mu mutaka [parachute]...
21 October 2019 Yasuwe: 2536 0

Musanze FC yahaye umutoza wayo umukoro ukomeye kugira ngo atabare akazi ke...

Umutoza wa Musanze FC Amars Niyongabo yabwiwe ko natabona amanota 7 mu...
21 October 2019 Yasuwe: 926 0

Rayon Sports yahanitse ibiciro byo kwinjira ku mukino izakiramo Bugesera...

Ikipe ya Rayon Sports yamaze gushyira ahagaragara ibiciro byo kwinjira ku...
21 October 2019 Yasuwe: 2215 0

Sugira Ernest yatangaje impamvu yitwara neza mu ikipe y’igihugu kurusha muri...

Rutahizamu Sugira Ernest ukomeje kwigarurira imitima y’abakunzi ba ruhago...
21 October 2019 Yasuwe: 2162 0