Ikipe ya AS Roma yabwiye abakinnyi bayo ko nta n’umwe wemerewe kwifotozanya na Drake mbere y’uko iyi shampiyona itangira kuko ashinjwa gutera umwaku ikipe ikinamo umukinnyi bifotoranyije.

Sponsored Ad

AS Roma yatangarije kuri Twitter yayo ko nta mukinnyi wabo wemerewe kwafata Selfie cyangwa kwifotozanya n’umuraperi Drake mbere y’uko umwaka w’imikino urangira,kubera ko byavumbuwe ko atera umwaku ikipe y’umukinnyi bifotozanyije.

Umuraperi Drake aherutse kwibasirwa n’abakunzi ba ruhago ku isi bamwita umuteramwaku nyuma yo kwifotozanya na Layvin Kurzawa wa PSG, bugacya itsindwa ibitego 5-1 na Lille muri shampiyona, kuri iki Cyumweru.

Arsenal yatsinzwe igitego 1-0 na Everton nyuma y’aho Aubameyang yifotoranyije na Drake,Manchester City yatsinzwe na Tottenham igitego 1-0,nyuma y’aho Aguero yifotoranyije na Drake.

Jadon Sancho ukinira Dortmund yifotoranyije na Drake,Bayern ibatsinda ibitego 5-1 ku munsi wakurikiyeho.

Paul Pogba yifotozanyije na Drake kuwa 11 Werurwe 2019,Manchester United akinira itsindwa na Wolves ibitego 2-1 muri FA Cup mu mukino wakurikiyeho.

Uretse uyu mwaka,Drake yiswe umuteramwaku ubwo mu mwaka ushize yifotoje ari kumwe na Conor McGregor ukina imirwanire ya UFC,bukeye akubitwa na Khabib Nurmagomedov.Muri 2015 Serena Williams yifotoje ari kumwe na Drake,bukeye atsindwa na Roberta Vinci muri US Open.

Drake arashinjwa gutera umwaku amakipe akinamo abakinnyi yifotoranyije nabo