Ikipe ya Atletico Madrid yavuze ko igiye kujyana mu nkiko FC Barcelona kubera ubugome yayikoreye igatangira kuganiriza Antoine Griezmann mu Ugushyingo umwaka ushize bigatuma atabasha kwitwara neza.

Sponsored Ad

Atletico yavuze ko ifite ibihamya bifatika ko FC Barcelona yaganirije bwa mbere Antoine Griezmann mu mpera z’umwaka ushize kandi bitemewe,bituma asubira inyuma ndetse ikipe ntiyongera kwitwara neza kandi ari mu bakinnyi yagenderagaho.

Atletico Madrid yavuze ko kuba Griezmann yarasezeye mu ikipe mu kwezi gushize bitabatunguye kuko ngo bamenye hakiri kare amakuru y’uko yaganiraga mu ibanga na FC Barcelona.

Griezmann ntabwo yitwaye neza muri uyu mwaka w’imikino by’umwihariko mu mukino wo kwishyura wa 1/16 Atletico Madrid yatsinzwe mon a Juventus ibitego 3-0 kandi yari yatsinze 2-0 mu mukino ubanza.