Kigali

Atletico Madrid yandagaje Real Madrid iyitwara igikombe cya Super Cup

Imikino   Yanditswe na: Dusingizimana Remy 16 August 2018 Yasuwe: 2017

Atletico Madrid yeretse Real Madrid ko izakumbura Cristiano Ronaldo na Zinedine Zidane,ubwo yayinyagiraga ibitego 4-2 mu mukino wo guhatanira igikombe gisumba ibindi ku mugabane w’I burayi UEFA Super Cup.

Muri uyu mukino wahuje Real Madrid iheruka gutwara UEFA Champions League na Atletico Madrid mu mujyi wa Tallin muri Estonia,urangiye Atletico ariyo ibyitwayemo neza kuko inyagiye uyu mukeba wayo wari warayigize insina ngufi mu marushanwa y’I Burayi aheruka, iyitsinda ibitego 4-2.

Atletico yaciye amarenga ko iratsinda Real Madrid,ubwo ku munota wa 1 w’umukino yafunguraga amazamu ku gitego cyatsinzwe na Diego Costa nyuma y’uburangare bwa myugariro Raphael Varane wananiwe kumuhagarika.

Ku munota wa 27 Karim Benzema yishyuriye Real Madrid igitego ku mupira mwiza yahawe na Gareth Bale ku mutwe nawe ntiyamutenguha.

Real Madrid yatangiye igice cya kabiri irusha cyane Atletico Madrid byatumye ku munota wa 63 ibona penaliti yakozwe na JuanFran wafatishije ukuboko umupira,umusifuzi akemeza ko ari penaliti yinjijwe neza na Sergio Ramos.

Atletico ntiyavuye mu mukino yakomeje gucungira hafi Real Madrid cyane ko ubwugarizi bwayo bwari hasi maze ku munota wa 79 Diego Costa abwiba umugono ashyiramo igitego cya kabiri cyatumye iminota 90 isanzwe amakipe anganya ibitego 2-2.

Hongeweho iminota wa 30 y’inyongera yo gukiranura aya makipe yari yananiwe kwisubanura mu minota 90 itahiriye Real Madrid kuko yayitsinzwemo ibitego 2.

Atletico Madrid yinjije ibitego 2 byikurikiranya mu minota 15 ya mbere aho ku munota wa 97 Saul Niguez yatsinze igitego ku mupira mwiza yahawe na Thomas Partey nyuma y’uburangare bwa ba myugariro ba Real Madrid.

Icyizere cyo kwishyura iki gitego kwayoyotse ku munota wa 104 ubwo Koke yatsindiraga Atletico Madrid igitego cya 4 nyuma yo guherezwa umupira mwiza na Vitolo.

Real Madrid yari imaze imyaka yiharira ibikombe by’iburayi ariko birangiye yandagajwe bikomeye na Atletico Madrid,nyuma yo gutakaza kizigenza Cristiano Ronaldo wari uyimazemo imyaka 9 n’umutoza Zidane wari uyi mazemo imyaka 2 n’igice.





Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Jose Mourinho yashatse gukubita umutoza wungirije wa Chelsea nyuma yo...

Umutoza wa Chelsea,Jose Mourinho yababajwe n’ukuntu umutoza wungirije wa...
20 October 2018 Yasuwe: 1830 0

Paul Pogba yatangaje umukinnyi umurusha umupira muri Premier...

Umukinnyi Paul Pogba ukina hagati mu ikipe ya Manchester United,yatangaje...
20 October 2018 Yasuwe: 3188 0

Buffon yatangaje ikipe atifuza ko PSG yahura nayo ku mukino wa nyuma wa...

Umunyezamu wa Paris Saint Germain, Gianluigi Buffon yatangaje ko atifuza ko...
20 October 2018 Yasuwe: 1657 0

APR FC yatangiye neza AZAM Rwanda Premier League 2018/2019

Hakizimana Muhadjiri na APR FC batangiye neza AZAM Rwanda Premier League...
19 October 2018 Yasuwe: 2010 0

Wayne Rooney yatangaje bimwe mu bintu abantu batari bazi kuri Manchester...

Wayne Rooney yatangaje ko umutoza Sir Alex Ferguson atigeze na rimwe...
19 October 2018 Yasuwe: 1523 0

Umukunzi wa Neymar yavuze ko bongeye gutandukana

Umunyamideli ukomoka muri Brazil, Bruna Marquezine yatangaje ko yongeye...
19 October 2018 Yasuwe: 1618 0