Kigali

Atletico Madrid yegukanye UEFA Europa League 2018 [AMAFOTO]

Imikino   Yanditswe na: Dusingizimana Remy 16 May 2018 Yasuwe: 1471

Ikipe ya Atletico Madrid niyo yegukanye UEFA Europa League y’uyu mwaka kuko itsinze Olympique de Marseille (OM) ibitego 3-0 ku mukino wa nyuma wabereye kuri stade ya Groupama mu mugi wa Lyon mu Bufaransa.

Atletico Madrid yahabwaga amahirwe menshi n’abakunzi ba ruhago ku isi,yerekanye ko ifite ubunararibonye ku mikino ya nyuma y’ibikombe by’I Burayi,kuko yaruhije bigaragara ikipe ya Marseille yari ifite abafana benshi cyane ndetse iyitsinda ibitego 3-0 mu mukino umutoza wayo Diego Simeone atatoje,kubera ibihano yahawe na UEFA.

OM niyo yatangiye iri ku rwego rwo hejuru ndetse mu minota ya mbere y’umukino ibona uburyo bukomeye ubwo rutahizamu wayo Valere Germain yahabwaga umupira mwiza na Dimitri Payet akawutera mu kirere.

Atletico Madrid yaje ishaka kwihimura kuri Marseille nyuma yo gutsindirwa ku mukino wa nyuma wa UEFA Champions League na Real Madrid ubugira kabiri,yafunguye amazamu ku munota wa 21 ku gitego cyatsinzwe na Antoine Griezmann nyuma y’ikosa ry’umunyezamu Mandanda wahaye umupira nabi Anguisa ntiyabasha kuwufata wifatirwa n’abakinnyi ba Atletico.

Ibintu byaje kuba bibi ku ikipe ya Marseille,ubwo ku munota wa 32 Kapiteni wayo wayifashije kugera kuri uyu mukino Dimitri Payet yavunikaga agasimburwa na Lopez utagize byinshi ahindura mu mukino kugeza igice cya mbere kirangiye ari 1-0.

Mu gice cya kabiri Atletico yaje yakaniye bituma ku munota wa 49 Antoine Griezmann ashyiramo igitego cya kabiri cyaciye integer cyane OM yashakaga kwishyura icyo yari yinjijwe mu gice cya mbere.

Marseille yakomeje kurushwa bikomeye biza gutuma itsindwa igitego cya 3 cyatsinzwe na Gabi ku munota wa 89 w’umukino ndetse birangira Atletico Madrid itwaye igikombe cya Europa League uyu mwaka kibaye icya 3 mu mateka yayo.

Antoine Griezmann na Fernando Torres babonye amahirwe yo gusezera abafana ba Atletico Madrid cyane ko bivugwa ko bagiye kwerekeza mu yandi makipe aho Griezmann bivugwa ko ashobora kwerekeza muri FC Barcelona.

Ikipe ya Atletico yageze ku mukino wa nyuma isezereye Arsenal muri 1/2 ku bitego 2-1 mu mikino yombi, mu gihe Marseille yasezereye Redbull Sarzburg ku bitego 3-2 mu mikino yombi.

Abakinnyi babanje mu kibuga ku mpande zombi:

MARSEILLE XI: Mandanda, Sarr, Rami, Gustavo, Amavi, Zambo, Sanson, Thauvin, Payet (Lopez 32), Ocampos (N’Jie 55), Germain (Mitroglou 74).

ATLETICO MADRID XI: Oblak, Vrsaljko (Juanfran 46), Gimenez, Godin, Lucas, Correa (Thomas 88), Gabi, Saul, Koke, Griezmann (Torres 90), Costa.







Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Minisitiri Uwacu Julienne yasabye imbabazi kubera indirimbo zubahiriza...

Minisitiri wa siporo n’umuco, Uwacu Julienne yasabye imbabazi abanya Guinea...
16 October 2018 Yasuwe: 2231 0

Amavubi anganyije na Guinea mu mukino yahushijemo ibitego byinshi

Amavubi abuze gato ngo abone amanota 3 ya mbere mu mikino yo gushaka itike...
16 October 2018 Yasuwe: 936 0

Amissi Cedric yatangaje ikintu atazibagirwa muri Rayon Sports yubakiyemo...

Rutahizamu Amissi Cedrick wakunzwe na benshi mu bafana ba Rayon...
16 October 2018 Yasuwe: 2052 0

Haruna Niyonzima yahaye ubutumwa bukomeye abafana bakomeje kumusaba...

Kapiteni w’ikipe y’igihugu Amavubi, Niyonzima Haruna yabwiye abantu bakomeje...
16 October 2018 Yasuwe: 808 0

Mashami yatangaje ukuri ku Mavubi kwatangaje abanyarwanda benshi

Umutoza w’ikipe y’ighugu Amavubi,Mashami Vincent yavuze ko amahirwe yo kubona...
15 October 2018 Yasuwe: 4081 0

Rayon Sports yiteguye gusimbura Mukura VS nibura amikoro yo gusohokera u...

Perezida wa Rayon Sports Muvunyi Paul yavuze ko ikipe ye yiteguye...
15 October 2018 Yasuwe: 4461 0