Abakinnyi bashya b’ikipe ya Arsenal Henrikh Mkhitaryan na Pierre Emerick Aubameyang bayifashije kunyagira ikipe ya Everton ibitego 5-1 mu mukino w’umunsi wa 26 wa shampiyona y’Ubwongereza Premier League, mu gihe ikipe ya Manchester City yasitaye ikanganya na Bunley 1-1. Ikipe ya Arsenal yari yitezwe na benshi kubera abakinnyi yaguze mu isoko riherutse gufangwa ,aho benshi bibazaga icyo Mkhitaryan na Aubameyang bari buze kuyimarira imbere ya Everton izwiho kugora amakipe akomeye. Ku munota wa (...)

Sponsored Ad

Abakinnyi bashya b’ikipe ya Arsenal Henrikh Mkhitaryan na Pierre Emerick Aubameyang bayifashije kunyagira ikipe ya Everton ibitego 5-1 mu mukino w’umunsi wa 26 wa shampiyona y’Ubwongereza Premier League, mu gihe ikipe ya Manchester City yasitaye ikanganya na Bunley 1-1.

Ikipe ya Arsenal yari yitezwe na benshi kubera abakinnyi yaguze mu isoko riherutse gufangwa ,aho benshi bibazaga icyo Mkhitaryan na Aubameyang bari buze kuyimarira imbere ya Everton izwiho kugora amakipe akomeye.

Ku munota wa 06 nibwo Aaron Ramsey yafunguye amazemu ku mupira mwiza yahawe na Mkhitaryan watangiye umukino we wa mbere muri Arsenal aho iki gitego cyakurikiwe n’icya Koscielny ku munota wa 14.

Ku munota wa 18 Ramsey yatsinze igitego cya 3 ku ishoti rikomeye yateye ndetse bidatinze ku munota wa 37 Pierre Emerick Aubameyang atsinda igitego cya 4 ku mupira mwiza yahawe na Mkhitaryan nubwo yari yaraririye.

Mu gice cya kabiri ikipe ya Arsenal ntiyongeye gusatira cyane nkuko byagenze mu gice cya mbere kuko yaje kugabanya umuvuduko bituma Everton ibona igitego cy’impozamarira cyatsinzwe na Calvert Lewin winjiye mu kibuga asimbuye aho cyakurikiwe n’icya 5 cya Arsenal cyatsinzwe na Aaron Ramsey ku mupira yahawe na Mkhitaryan.

Ramsey yatsinze ibitego 3 wenyine muri uyu mukino mu gihe Mkhitaryan nawe yatanze imipira 3 yavuyemo ibitego muri uyu mukino.

Mu yindi mikino, ikipe ya Bunley yahagamye Manchester City banganya 1-1 mu gihe Manchester United ibifashijwemo na Lukaku ndetse na Sanchez yatsinze Huddersfield Town ibitego 2-0.

Urutonde rusange ruyobowe na Manchester City n’amanota 69,ikurikiwe na Manchester United ifite 56