Kigali

Ba rutahizamu babiri bakomeye mu Rwanda bamaze gusinyira ikipe ya Yanga Africans

Imikino   Yanditswe na: Dusingizimana Remy 29 May 2019 Yasuwe: 3071

Ba rutahizamu babiri bakomeye muri shampiyona y’u Rwanda barimo Sibomana Patrick na Bigirimana Issa bamaze gusinyira ikipe ya Yanga Africans amasezerano y’imyaka 2 ndetse bahabwa akayabo k’amadolari.

Aba basore babiri bagiye kuganira n’ubuyobozi bwa Yanga kuwa Gatandatu w’icyumweru gishize,bamaze kumvikana n’iyi kipe aho bivugwa ko bose bahawe akayabo k’ibihumbi 25 by’amadolari kugira ngo basinye ndetse ngo bazajya bahembwa umushahara uri hejuru y’ibihumbi 2 by’amadolari buri Kwezi.

Umutoza wa Yanga Mwinyi Zahera yishimiye imyitwarire y’abakinnyi bakomoka mu Rwanda nyuma yo gukorana na Haruna Niyonzima ndetse ngo na Kagere Meddie ukinira mukeba yamukoze ku mutima,ariyo mpamvu yemeye gusinyisha aba basore babiri.

Uretse aba bakinnyi bombi,Yanga Africans ngo irifuza umukinnyi wa Police FC,Mushimiyimana Mohamed kugira ngo nawe ajye kuyifasha guhangamura Simba SC imaze imyaka 2 ibatwara shampiyona.

Sibomana wakiniraga Mukura VS na Bigirimana Issa bahoze bakinana mu ikipe ya APR FC none bagiye gukinana mu ikipe ya Yanga Africans ifite abafana benshi kurusha andi makipe mu gihugu cya Tanzania.

Bigirimana Issa ntararangiza amasezerano mu ikipe ya APR FC ariyo mpamvu ngo ubuyobozi bwayo bwiteguye kumuhana bikomeye ndetse ngo bizamugora ko bamuha urwandiko rumurekura.



Bigirimana Issa na Sibomana Patrick bamaze gusinyira Yanga Africans

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Filimi Haruna Niyonzima yagaragayemo igiye gushyirwa hanze

Kapiteni w’ikipe y’igihugu Amavubi,Haruna Niyonzima yamaze kwinjira muri...
17 September 2019 Yasuwe: 905 0

Peter Sagan ashyigikiye ubusabe bw’u Rwanda bwo kuzakira shampiyona y’isi yo...

Umwe mu bakinnyi ba mbere ku isi mu gusiganwa ku magare,Peter Sagan ukomoka...
17 September 2019 Yasuwe: 565 0

Umujinya wa Aubameyang nyuma yo kwishyurwa na Watford watumye avuga...

Rutahizamu wa Arsenal, Pierre-Emerick Aubameyang,yarakajwe cyane no...
17 September 2019 Yasuwe: 2391 0

Umutoza Klopp yatangaje ikintu kigiye kuzatuma ava muri Liverpool...

Umutoza wa Liverpool witwa Jurgen Klopp yatangaje ko nubwo ari kubaka...
17 September 2019 Yasuwe: 2684 0

Umutoza ugiye kuza mu ikipe ya Rayon Sports yatangiye kunuganugwa

Ikipe ya Rayon Sports ikeneye umutoza usimbura Robertinho umaze amezi make...
17 September 2019 Yasuwe: 3743 0

Umunyamakuru wo mu Butaliyani yirukanwe azira Lukaku

Imwe mu mateleviziyo yo mu gihugu cy’Ubutaliyani, yatangaje ko itazongera...
16 September 2019 Yasuwe: 2881 0