Kigali

Bakame yatangaje ikintu atazibagirwa muri Rayon Sports ndetse n’umutoza wamukoze ku mutima

Imikino   Yanditswe na: Dusingizimana Remy 20 November 2018 Yasuwe: 3400

Uwahoze ari kapiteni wa Rayon Sports Ndayishimiye Eric Bakame uherutse kurekurwa n’iyi kipe yatangaje ko atazigera yibagirwa ukuntu abafana bayo bamukundaga, ibyishimo biyibamo n’ibindi byinshi bimuha urwibutso rukomeye ruzamubera impamba aho azajya hose.

Bakame wahagaritswe igihe kinini ashinjwa ubugambanyi,yatangarije ikinyamakuru Isimbi ko Rayon Sports ari ikipe y’inzozi ze ndetse yakuze yifuza kuyikinira,inzozi ze zikaba impamo akaba ariyo mpamvu hari urwibutso rukomeye yasigaranye ku mutima.

Bakame yasezeye kuri Rayon Sports nyuma y’imyaka 5 ayikinira

Yagize ati “Ibihe byiza nagize muri Rayon Sports ni byinshi sinabivuga ngo mbirangize,kuko Rayon Sports ni nka mirroir buri mukinnyi wese yibonamo cyane iyo iri gutsinda.Nta muntu ushobora kuvuga ko Rayon Sports ari mbi iri gutsinda,ukurikije ukuntu abafana bayo bafata abakinnyi bayo,ni ukuntu ishyira hamwe nta cyiza kirenze icyo.

Rayon Sports n’ikipe nziza, ikipe nubaha, ikipe ifite izina rinandenze, ikipe nakuze numva, ntigeze nanatekereza ko nazayikinira cyangwa nazayibera na ’captain’ ariko ku bw’ubushobozi bw’Imana iramfasha nk’uko nayikundaga ngera aho ndayikinira, nyibera umuyobozi, nyimaramo imyaka itanu.

Bakame yavuze ko umutoza wamushimishije mubo bakoranye ari Masudi Djuma kuko yakoranaga neza n’abakinnyi bakamwiyumvamo ndetse rimwe na rimwe nawe yakinanaga nabo.

Bakame azerekeza mu ikipe ya AFC Leopards yo muri Kenya ku wa Kane cyangwa ku wa Gatanu, tariki ya 22 cyangwa 23 Ugushyingo 2018,nyuma yo guhabwa ibaruwa imurekura ku wa 18 Ugushyingo 2018.

Bakame yavuze ko azakumbura abafana ba Rayon Sports,ambiance yabo,amashyi yabo yihariye ndetse yifurije ikipe gutwara ibikombe ndetse no gukomeza gutera imbere.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sarpong na Rugwiro ntibakoze imyitozo ya mbere Rayon Sports yakoreye muri...

Abakinnyi babiri bakomeye muri Rayon Sports barimo Micheal Sarpong na...
24 August 2019 Yasuwe: 85 0

CAF CC: AS Kigali imaze gusezera KMC yo muri Tanzania

Ikipe ya AS Kigali ifashije abakunzi ba ruhago mu Rwanda kwinjira neza muri...
23 August 2019 Yasuwe: 3582 0

Kimenyi Yves yatunguwe n’agahimbazamusyi gahanitse Rayon Sports...

Umunyezamu wa mbere wa Rayon Sports,Kimenyi Yves yatangaje ko yatunguwe...
23 August 2019 Yasuwe: 4013 0

Tchabalala wamamaye muri Rayon Sports yasinyiye ikipe ya Bugesera FC...

Rutahizamu Hussein Tchabalala wamenyekanye mu makipe abiri yo mu Rwanda...
23 August 2019 Yasuwe: 3018 1

Cristiano Ronaldo yatangaje impamvu aterekeje muri Arsenal yamushatse akiri...

Rutahizamu Cristiano Ronaldo uri mu ba mbere ku isi,yavuze ko yaganiriye...
23 August 2019 Yasuwe: 2238 0

Rutanga yavuze amayeri bazakoresha kugira ngo basezerere ikipe ya Al...

Kapiteni wa Rayon Sports,Rutanga Eric yabwiye abanyamakuru mbere yo...
23 August 2019 Yasuwe: 2682 0