Kigali

Barack Obama yatunguranye ahishura impamvu ikipe ya Argentine idatwara igikombe cy’Isi kandi ifite Messi ufatwa nk’umukinnyi wa mbere ku isi

Imikino   Yanditswe na: Martin Munezero 29 May 2019 Yasuwe: 5000

Barack Obama wahoze ayobora leta zunze ubumwe za Amerika, yasobanuye ko kuba ikipe y’igihugu ya Argentine yarananiwe gutwara igikombe cy’isi kandi ifite Messi ufatwa nk’umukinnyi wa mbere ku isi bifite aho bihuriye no kudakorera hamwe kw’abakinnyi b’iyi kipe.

Hari mu kiganiro Obama w’imyaka 57 yatangiye mu nama ya EXMA yabereye i Bogota mu murwa mukuru wa Colombia.

Nyakubahwa Barack Obama yakoresheje urugero rwa Messi n’ikipe y’igihugu ya Argentina ashaka kugaragaza ko mu gihe abantu basangiye urubanza, nta mpamvu yo kwishingikiriza umuntu umwe kuko n’ubwo yaba igitangaza gute adashobora kuba kamara.

Yagize ati” N’abantu dufata nk’ibitangaza bakorera hamwe n’abandi kugira ngo batere imbere. Muri Argentine, n’ubwo Messi ari umukinnyi mwiza cyane, bafite ibibazo byo kudatwara igikombe cy’isi. Inama naha abakiri bato, ni ukumenya ko abantu bigejeje ku bintu bikomeye ari bake cyane.”

Amagambo ya Nyakubahwa Obama afite ishingiro kuko n’ubwo Messi ari umukinnyi ufatwa nk’uwa mbere ku isi, nta byinshi yagejeje ku kipe y’igihugu cye cya Argentine ahanini bitewe no kubura abakinnyi ahuza na bo imbaraga.

Urugero nko muri 2014 yashoboye kugeza ikipe y’igihugu cye ku mukino wa nyuma w’igikombe cy’isi, gusa birangira Argentine idashoboye gutwara igikombe cy’isi nyuma yo gutsindwa n’Abadage bakinaga nk’ikipe igitego kimwe ku busa.

Mu gikombe cy’isi giheruka kubera mu Burusiya, Messi na bwo yagejeje Argentrtine muri 1/4 cy’irangiza gusa ntiyaharenga nyuma yo gutsindwa n’Abafaransa ibitego 4-3.

Magingo aya Messi na Argentine bari kwitegura irushanwa rya Copa America rizabera muri Brazil guhera mun kwezi gutaha. Ikipe y’igihugu ya Argentina iherereye mu tsinda rya kabiri isangiye n’ibihugu bya Colombia na Paraguay, ndetse na Qatar yaje muri Copa America nk’umutumirwa.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports yasinyanye amasezerano y’imikoranire na Bank of Africa igiye...

Ubuyobozi bw’ikipe ya Rayon Sports bwasinyanye amasezerano y’imikoranire na...
18 October 2019 Yasuwe: 1417 0

Mashami Vincent yaciye amarenga y’abakinnyi 11 ashobora gukoresha ahangana...

Umutoza Mashami Vincent w’ikipe y’igihugu Amavubi n’abamwungirije basoje...
18 October 2019 Yasuwe: 1100 0

Umutoza wa Ethiopia yamenye ibanga rizamufasha gutsindira Amavubi I...

Umutoza wa Ethiopia Abraham Mebratu, yavuze ko afitiye icyizere ikipe ye...
18 October 2019 Yasuwe: 1205 0

Umukino wa El Clasico wasubitswe kubera gutinya imyigaragambyo yo mu mujyi...

Umukino ukomeye wa Barcelona na Real Madrid wari uteganyijwe kuba kuwa 26...
18 October 2019 Yasuwe: 990 0

Uruganda rukora sima Nyarwanda rugiye gutuma inzozi z’abana bamamaye nka...

Ubuyobozi bw’uruganda rukora sima Nyarwanda rwa Cimerwa, bwatangaje ko...
18 October 2019 Yasuwe: 1810 0

Rayon Sports yemeje ubwegure bwa Visi perezida wayo Twagirayezu...

Ubuyobozi bw’ikipe ya Rayon Sports bwakiriye ndetse bunemeza ukwegura kwa...
17 October 2019 Yasuwe: 2349 0