Ikipe y’igihugu y’umukino wa Basketball imaze kubona itike y’igikombe cya Afurika ’AfroBasket’ giteganyijwe mu kwezi kwa Kanama.
Amakipe 14 niyo yari yamenyekanye ko azitabira iri rushanwa rya AfroBasket byari biteganyijwe ko rizabera muri Congo Brazaville ariko iki gihugu kikaba cyaranze kuryakira. Hari hategerejwe amakipe 2 aziyongera kuri ayo 14 yamaze kubona itike.
U Rwanda kuva tariki ya 12 Werurwe kugeza 18 Werurwe 2017 rwari mu Misiri aho rwari mu mikino y’akarere ka Gatanu aho (...)

Sponsored Ad

Ikipe y’igihugu y’umukino wa Basketball imaze kubona itike y’igikombe cya Afurika ’AfroBasket’ giteganyijwe mu kwezi kwa Kanama.

Amakipe 14 niyo yari yamenyekanye ko azitabira iri rushanwa rya AfroBasket byari biteganyijwe ko rizabera muri Congo Brazaville ariko iki gihugu kikaba cyaranze kuryakira. Hari hategerejwe amakipe 2 aziyongera kuri ayo 14 yamaze kubona itike.

U Rwanda kuva tariki ya 12 Werurwe kugeza 18 Werurwe 2017 rwari mu Misiri aho rwari mu mikino y’akarere ka Gatanu aho rwashakaga iyi tike ya AfroBasket ariko rukaza kuyibura kuko itike yagombaga kubona ibihugu 2 bya mbere ariko u Rwanda rwaje kuba u rwa Gatatu inyuma Misiri na Uganda.

Uyu munsi tariki ya 18 Mata 2017 muri Côte d’Ivoire habereye inama ya Komite ya FIBA Afrique maze yemeza ko u Rwanda na Guinea aribyo bihugu bigomba kwiyongera ku bihugu 14 byabonye iyi tike mbere.

Guinea n’u Rwanda bije byiyongera ku bihugu byamaze kubona iyi tike aribyo; Congo Brazaville, Nigeria, Angola, Cameroon, Cote d’Ivoire, DR Congo, Egypt, Mali, Morocco, Mozambique, Senegal, Tunisia, Uganda na South Africa.