Kigali

Bikorimana Gerrard yafashije Mukura VS gusezerera APR FC mu gikombe cy’Agaciro

Imikino   Yanditswe na: Dusingizimana Remy 13 September 2019 Yasuwe: 4370

Umunyezamu wahoze muri Rayon Sports Bikorimana Gerrard afashije ikipe ye nshya ya Mukura VS gusezerera APR FC muri ½ cy’imikino y’Agaciro Tournament nyuma yo kunganya ibitego 2-2 hakitabazwa penaliti zahiriye Mukura VS yatsinze 3-2.

Mukura VS itahabwaga amahirwe kubera ahanini ukuntu yatakaje abakinnyi bayo bakomeye nyuma y’umwaka w’imikino ushize,yaje mu kibuga ifite ihangana ridasanzwe bituma isezerera APR FC kuri penaliti.

Mukura VS niyo yafunguye amazamu ku munota wa 25 ku gitego cyatsinzwe na Samuel Nwusu Chukwudi ukomoka muri Nigeria wateye umupira udakomeye uca mu maguru y’umunyezamu Ntwari Fiacre.

Iki gitego cya Mukura VS cyayifashije kurangiza igice cya mbere iyoboye umukino kuko APR FC itabashije kwitwara neza ngo iyishyure muri iyi minota 45.

Igice cya kabiri kigitangira,APR FC yinjije abakinnyi 4 barimo Manishimwe Djabel, Manzi Thierry, Mohamed Mushimiyimana na Ombolenga Fitina basimbuye Nshimiyimana Yunusu, Mugunga Yves, Rwabuhihi Placide na Bukuru Christopher.

Izi mpinduka zahise zigirira akamaro gakomeye APR FC kuko ku munota wa 48 yahise yishyura iki gitego ibifashijwemo na Danny Usengimana.

APR FC yakomeje kurusha bikomeye Mukura VS bituma ku munota wa 64 ibona igitego cya kabiri cyatsinzwe na Byiringiro Lague wacenga Senzira na Ngirimana ishoti rikomeye umupira uruhukira mu rushundura.

Mukura VS yari yibuze yaje guhita itungurana ku munota wa 66 itsinda igitego cya kabiri cyo kwishyura cyatsinzwe Ntwari Evode ku ishoti rikomeye yatereye inyuma y’urubuga rw’amahina nyuma y’umupira yahawe na Tuyishime Eric uzwi nka Congolais.

Amakipe yombi yakomeje gucungana no kwirinda kwinjizwa ibitego bituma umukino urangira ari ibitego 2-2 byatumye hitabazwa penaliti.

Mbere y’uko umukino urangira,umutoza Ovambe wa Mukura VS yashatse gusimbuza umunyezamu Bikorimana Gerrard ngo ashyiremo Regis uzwiho gukuramo penaliti ariko abwirwa ko gusimbuza kwarangiye.

APR FC niyo yabanje gutera penaliti yinjijwe na Ishimwe Kevin wayiteye neza gusa yatengushywe n’abamukurikiye kuko Mohamed Mushimiyimana,Mutsinzi Ange na Manishimwe Djabel bazihushije.Undi mukinnyi wa APR FC winjije penaliti ni Ombolenga Fitina.

Ku ruhande rwa Mukura VS abateye penaliti ni Olih Jacques, Nwosu Samuel,Rugirayabo Hassan bose bazinjije mu gihe Duhayindavyi Gael we yayihushije.

Umunyezamu mushya wa Mukura VS Bikorimana Gerrrard yakuyemo penaliti 2 mu gihe Mushimiyimana yayikubise umutambiko w’izamu.

Mukura Victory Sports yageze ku mukino wa nyuma w’Irushanwa ry’Agaciro 2019 nyuma yo gusezerera APR FC kuri penaliti 3-2,itegereje irokoka hagati ya Police FC na Rayon Sports.Umukino wa nyuma uzaba ku cyumweru.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Cristiano Ronaldo yatangaje ikintu gikomeye nyina aherutse kumusaba

Rutahizamu Cristiano Ronaldo yatangarije umunyamakuru Piers Morgan wa ITV...
17 September 2019 Yasuwe: 3357 0

Filimi Haruna Niyonzima yagaragayemo igiye gushyirwa hanze

Kapiteni w’ikipe y’igihugu Amavubi,Haruna Niyonzima yamaze kwinjira muri...
17 September 2019 Yasuwe: 1702 0

Peter Sagan ashyigikiye ubusabe bw’u Rwanda bwo kuzakira shampiyona y’isi yo...

Umwe mu bakinnyi ba mbere ku isi mu gusiganwa ku magare,Peter Sagan ukomoka...
17 September 2019 Yasuwe: 1013 0

Umujinya wa Aubameyang nyuma yo kwishyurwa na Watford watumye avuga...

Rutahizamu wa Arsenal, Pierre-Emerick Aubameyang,yarakajwe cyane no...
17 September 2019 Yasuwe: 3940 1

Umutoza Klopp yatangaje ikintu kigiye kuzatuma ava muri Liverpool...

Umutoza wa Liverpool witwa Jurgen Klopp yatangaje ko nubwo ari kubaka...
17 September 2019 Yasuwe: 4184 0

Umutoza ugiye kuza mu ikipe ya Rayon Sports yatangiye kunuganugwa

Ikipe ya Rayon Sports ikeneye umutoza usimbura Robertinho umaze amezi make...
17 September 2019 Yasuwe: 5364 0