Kigali

Bimwe mu byo wamenya kuri Premier League iratangira uyu munsi

Imikino   Yanditswe na: 11 August 2017 Yasuwe: 410

Kuri uyu wa gatanu ku italiki ya 11 Kanama 2017 nibwo haza gutangira shampiyona y’Ubwongereza Premier League 2017-2018 ikunzwe na benshi ku isi aho igiye gukinwa ku nshuro ya 25.

Iyi shampiyona ikinwa n’amakipe 20 imaze kwigarurira isi yose aho kugeza kuri ubu ikurikirwa mu bihugu bigera kuri 212 byo ku isi ndetse n’abayikurikira ku mateleviziyo bagera hafi kuri miliyari 4 na miliyoni 700. Impuzandengo y’abafana bitabira imikino kuri stade mu Bwongereza ni ibihumbi 36 kuri buri stade gusa agahigo gafitwe na Bundesliga aho impuzandengo ari ibihumbi 43 kuri buri stade.

Iyi shampiyona yatangiye kwitwa Premier League ku italiki ya 20 Gashyantare 1992 biturutse ku cyifuzo cy’amakipe yari ari mu cyiciro cya mbere cyo guhindura uburyo shampiyona yakinwagamo guhera mu mwaka wa 1888 ndetse n’impamvu zo gukorana n’amateleviziyo menshi yo hirya no hino ku isi.Kugeza ubu amateleviziyo 2 Sky Sports na BT Sport niyo afite uburenganzira bwo kwerekana no kugurisha iyi mikino hirya no hino aho yishyura akayabo ka miliyari imwe buri mwaka guhera mu mwaka wa 2013-2014.

Iyi shampiyona yinjiza amafaranga agera kuri miliyari 2 na miliyoni 200 buri mwaka aturutse mu kugurisha imikino ku mateleviziyo yo hirya no hino ku isi.

Kuva mu mwaka wa 1992 iyi shampiyona imaze gukinwa n’amakipe 47 utabariyemo Brighton and Hove Albion na Huddersfield Town zazamutse uyu mwaka, gusa amakipe 6 niyo yihariye ibikombe ariyo Manchester United (13), Chelsea (5), Arsenal (3), Manchester City (2), Blackburn Rovers (1) na Leicester City (1). Tubibutse ko Chelsea ariyo yatwaye igiheruka.

Premier League ifite ibikombe 2 kimwe cy’ukuri gihabwa ikipe yabashije kurangiza ari iya mbere nicyo bifashisha iyo amakipe 2 ageze ku munsi wa nyuma iratwara igikombe itaramenyekana.

Kuri uyu wa gatanu Ikipe ya Arsenal niyo iraza gutangira ikina na Leicester City umukino uraza gutangira ku I saa 20:45 kuri Emirates Stadium aho iyi kipe ya Arsenal guhera mu mwaka wa 2010-2011 kugeza mu mwaka w’imikino ushize yatsinze umukino ufungura inshuro 1 gusa, ibintu bihangayikishije abakunzi bayo Cyane.

Mu mikino 21 aya makipe aheruka gukina nta na rimwe Leicester City iratsinda Arsenal kuko Arsenal yayitsinze inshuro 14 banganya 7.

Ikipe ya Arsenal iraza gukina idafite abakinnyi bayo barimo Santi Cazorla,Alexis Sanchez,Gabriel Paulista na Laurent Koscielny mu gihe abasore nka Mesut Ozil, Aaron Ramsey na Per Mertesacker bashidikanywaho mu gihe ku ruhande rwa Leicester City Babura umukinnyi umwe gusa Robert Huth.

Uko imikino iteganyijwe mu mpera z’iki cyumweru
Uyu munsi Taliki ya 11 Kanama 2017

Arsenal vs Leicester City

Ku wa Gatandatu Taliki ya 12 Kanama 2017

13:30 Watford vs Liverpool
16:00 Chelsea vs Burnley
16:00 Crystal Palace vs Huddersfield Town
16:00 Everton vs Stoke City
16:00 Southampton vs Swansea City
16:00 West Bromwich Albion vs Bournemouth
18:30 Brighton and Hove Albion vs Manchester City

Ku cyumweru Taliki ya 13 Kanama 2017

14:30 Newcastle United vs Tottenham Hotspur
17:00 Manchester United vs West Ham United

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Intambara ya Mourinho na Pogba ikomeje gufata indi ntera

Umutoza Jose Mourinho na Paul Pogba waguzwe amafaranga menshi mu ikipe ya...
19 April 2018 Yasuwe: 501 0

Rayon Sports ikoze amateka yo kwerekeza mu matsinda ya CAF Confederations...

Bigoranye,ikipe ya Rayon Sports ibashije kwandika amateka yo kwerekeza mu...
18 April 2018 Yasuwe: 2649 1

Mutatsimpundu uzwi muri Volleyball y’u Rwanda nawe yatorokeye muri...

Umukinnyi w’ikipe ya APR VC akaba n’umwe mu bakinnyi bakomeye muri Volleyball...
18 April 2018 Yasuwe: 1159 0

Manchester City niyo ifite abakinnyi benshi mu ikipe y’umwaka ya Premier...

Abakinnyi b’ikipe ya Manchester City nibo biganje mu ikipe y’umwaka mu...
18 April 2018 Yasuwe: 763 0

Rayon Sports mu nzira yo gukora amateka mu mikino Nyafurika

Kuri uyu wa Gatatu Taliki ya 18 Mata 2018 nibwo benshi bategereje kureba...
18 April 2018 Yasuwe: 2170 1

Minnaert yababajwe n’uko Costa do Sol yabakiriye

Umutoza w’ikipe ya Rayon Sports Ivan Jacky Minnaert yababajwe n’ukuntu...
17 April 2018 Yasuwe: 3043 1