Kigali

Biravugwa ko Muhadjiri na Iranzi Jean Claude bahagaritswe muri APR FC kubera imyitwarire mibi

Imikino   Yanditswe na: Dusingizimana Remy 2 January 2019 Yasuwe: 3847

Rutahizamu Hakizimana Muhadjiri na Iranzi Jean Claude ntibazagaragara mu mukino APR FC igombwa kwakira Mukura VS kuwa Kane w’iki cyumweru kuri stade ya Kigali I nyamirambo,kubera imyitwarire mibi bagaragaje mbere yo guhura na Gicumbi FC.

Aba basore babiri biravugwa ko bahagaritswe igihe kitazwi kubera imyitwarire igayitse bafatiwemo mbere y’umukino banganyije 0-0 na Gicumbi FC,watumye benshi bacika ururondogoro kubera amagambo Jimmy Mulisa yatangaje nyuma y’umukino.

Muhadjiri yasimbujwe muri uyu mukino mu gice cya mbere kubera imyitwarire mibi ahanini yo kutitanga mu kibuga bitewe n’amakosa yari yakoze mbere y’umukino.

Amakuru agera ku Umuryango ni uko aba basore bombi bari mubo Jimmy Mulisa yatunze agatoki mu kiganiro yagiranye n’abanyamakuru akavuga ko ari umutoza atari umupolisi wabo.

Mu gitondo cyo kuwa Mbere tariki ya 31 Ukuboza 2018, nyuma y’imyitozo itaramaze igihe kinini kuri Stade Amahoro, umwe mu bayobozi ba APR FC, Afande Mubaraka Muganga yagiranye inama yamaze umwanya munini n’abakinnyi b’iyi kipe bikekwa ko baganiriye ku magambo umutoza Mulisa yabavuzeho nyuma yo kunanirwa gutsinda Gicumbi FC ifatwa nk’insina ngufi muri shampiyona y’uyu mwaka.

APR FC iratangira 2019 yakira Mukura VS kuri uyu wa Kane Taliki ya 03 Mutarama 2019, mu mukino w’ikirarane w’umunsi wa gatandatu wa shampiyona kuri uyu wa Kane kuri stade ya Kigali ifite Sugira Ernest wagarutse ndetse n’abandi bakinnyi batakinnye kuri Gicumbi FC.

Iranzi na Muhadjiri ntibazakina kuri Mukura VS

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

N’golo Kante yongeye gukora agashya kasekeje cyane abakinnyi b’ikipe...

Umukinnyi N’golo Kante uzwiho kwicisha bugufi no kugira ikinyabupfura,yasekeje
18 March 2019 Yasuwe: 5031 0

Cristiano Ronaldo ashobora gufatirwa ibihano bikarishye kubera uburyo...

Kabuhariwe Cristiano Ronaldo,ufatwa nk’umwami wa UEFA Champions League...
18 March 2019 Yasuwe: 3755 0

Migi yatangaje ikintu yicuza kurusha ibindi kuva yatangira gukina umupira...

Umukinnyi wa APR FC,Mugiraneza Jean Baptiste yatangaje ko ikintu yicuza...
18 March 2019 Yasuwe: 3691 1

Uhiriwe Byiza Renus nawe yatwaye umudali wa Zahabu muri shampiyona ya...

Umusore ukiri muto witwa Uhiriwe Byiza Renus, watwaye shampiona y’u Rwanda...
18 March 2019 Yasuwe: 857 0

Seninga Innocent wari umutoza wa Bugesera FC yeguye ku mirimo yo...

Umutoza Seninga Innocent wari umaze amezi 8 atoza ikipe ya Bugesera FC,...
18 March 2019 Yasuwe: 775 0

Zidane yavuze ku byerekeye kuzana rutahizamu Kylian Mbappe muri Real...

Umutoza wa Real Madrid,Zinedine Zidane yatangaje ko yifuza kuzatoza...
18 March 2019 Yasuwe: 2950 0