Kigali

Bizimana Djihad yatangaje uko yakiriye kuba Kapiteni w’Amavubi

Imikino   Yanditswe na: Dusingizimana Remmy 11 August 2017 Yasuwe: 453

Umukinnyi Bizimana Djihad aratangaza ko yishimiye kuba yaragiriwe icyizere cyo kuba kapiteni w’ikipe y’igihugu Amavubi iri kwitegura umukino ubanza wo guhatanira itike yo kwerekeza mu mikino ya CHAN 2018 izabera muri Kenya imikino igeze mu cyiciro cya nyuma.

Uyu musore usanzwe akinira ikipe ya APR FC yahawe iki cyizere ni umutoza w’ikipe y’igihugu Antoine Hey nyuma y’aho usanzwe ari kapiteni w’iyi kipe Ndayishimiye Eric uzwi nka Bakame atazagaragara mu mukino ubanza utegerejwe ku munsi w’ejo Taliki ya 12 Kanama 2017 kubera amakarita 2 y’umuhondo yabonye mu mikino 2 Amavubi aheruka gukina na Tanzania.

Mu kiganiro yagiranye na Radio 10 Bizimana yagize ati “Nashimira umutoza ndetse n’abakinnyi banjye kuba barangiriye icyizere nuko babonye ko hari ukuntu nshobora kuyobora bagenzi banjye ntekereza ko ari ibintu byiza bigomba no kumpa imbaraga zo kwigaragaza mu kibuga no hanze y’ikibuga.”

Ku bijyanye ni uko abona umukino wa Uganda uyu kapiteni mushya w’Amavubi yavuze ko abona ikipe imeze neza kandi ko bifuza guhesha itike u Rwanda nkuko bakuru babo bayiruhesheje muri CAN 2004.

Yagize ati “Sinzi niba mubibona umwuka warahindutse,abakinnyi basigaye bakina ubona bafite icyo bashaka kandi bazi ko bari mu ikipe y’igihugu nta mukinnyi usigaye akina ku giti cyeturimo gukina nk’ikipe ntekereza ko aricyo kintu cyahindutse mu Mavubi.Abanyarwanda bagomba kudushyigikira ntekereza ko uyu ariwo mwanya wo kugira ngo duheshe itike ikipe y’igihugu nkuko hari abyiyihesheje muri CAN natwe tuyiheshe itike yo kwerekeza muri CHAN.”

Ikipe y’igihugu yageze amahoro muri Uganda ku munsi w’ejo Taliki ya 10 Kanama 2017 aho yitegura gukora imyitozo ya nyuma uyu munsi dore ko umukino nyirizina ari kuri uyu wa Gatandatu Taliki ya 12 Kanama 2017.

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

FIFA igiye gupima abakinnyi b’uburusiya bakekwaho gukoresha ibiyobyabwenge

Ishyirahamwe ry’umupira w’amaguru ku isi FIFA ryatangaje ko rigiye gusuzuma...
10 December 2017 Yasuwe: 206 0

Bashunga wakiniraga Rayon Sports yarushinze (Amafoto)

Umunyezamu Bashunga Abouba wakiniraga ikipe ya Rayon Sports umwaka ushize...
10 December 2017 Yasuwe: 1803 0

Guardiola yatangaje impamvu atatoje ikipe ya Manchester United

Umutoza w’ikipe ya Manchester City Pep Guardiola yatangaje ko yahuye na Sir...
9 December 2017 Yasuwe: 1146 0

Cristiano Ronaldo yaraye akoze agashya ubwo bahuraga na Sevilla

Umukinnyi Cristiano Ronaldo ukinira ikipe ya Real Madrid yaraye akoze...
9 December 2017 Yasuwe: 1692 0

Biramahire yafashije Amavubi gusezererwa kigabo

Rutahizamu Biramahire Abeddy niwe watsinze igitego cya kabiri cyahaye u...
9 December 2017 Yasuwe: 914 0

FERWAFA yigije imbere umukino wa APR FC na Rayon Sports

Ishyirahamwe ry’umupira w’amaguru mu Rwanda FERWAFA ryamaze kwigiza imbere...
9 December 2017 Yasuwe: 1321 0