skol
fortebet

Brazil itsinze Costa Rica bigoranye mu gikombe cy’isi

Yanditswe: Friday 22, Jun 2018

Sponsored Ad

Ikipe ya Brazil itsinze Costa Rica ibitego 2-0 mu minota 6 y’inyongera nyuma y’aho iminota 90 yarangiye amakipe yombi anganya 0-0.

Sponsored Ad

Muri uyu mukino Brazil yasabwaga gutsinda byanze bikunze,yatengushywe n’ubwugarizi bukomeye bwa Cosra Rica,yugariye kuva umupira utangiye kugeza urangiye nubwo bitayibujije gutsindwa.

Igice cya mbere cyarangiye amakipe yombi ari ku rwego rumwe ndetse nta mahirwe menshi y’ibitego yabonetsemo.

Mu gice cya kabiri, Brazil yatangiye iri hejuru ndetse itangira gusatira bikomeye izamu rya Keylor Navas urindira Costa Rica,ba rutahizamu ba Brazil barimo Gabriel Jesus na Philippe Coutinho Babura amahirwe akomeye nubwo babonye penaliti umusifuzi akayemeza gusa aza kwisubiraho kubera ibyemezo bya VAR.

Mu minota 6 y’inyongera nibwo Brazil yaciye akagozi kafashaga Costa Rica kugarira,Philippe Coutinho afungura amazamu ku mupira mwiza yahawe na Gabriel Jesus.

Iminota 6 y’inyongera yarangiye umusifuzi yongeraho 2 maze ku munota wa 7 w’inyongera Neymar ashyiramo igitego ku mupira mwiza yahawe na Douglas Costa.

Brazil ihise iyobora itsinda E n’ amanota 4 kuko mu mukino wa mbere yanganyije n’Ubusuwisi igitego 1-1.


Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa