Ikipe y’igihugu ya Brazil itsinze Mexico ibitego 2-0 mu mukino wa 1/16 wabereye mu mujyi wa Samara ibifashijwemo na Neymar wongeye kwereka isi yose ko ari kabuhariwe.

Sponsored Ad

Brazil yabanje kugorwa na Mexico mu gice cya mbere,cyarangiye amakipe yombi anganya 0-0 gusa yasatiriye ku rwego rwo hejuru umunyezamu Ochoa ayibera ibamba.

Igice cya kabiri kigitangira ku munota wa 51 Neymar yafunguye amazamu ku mupira mwiza watewe na Willian unyura kuri myugariro Salcedo usanga uyu rutahizamu asunikiramo.

Brazil yakomeje kotsa igitutu Mexico nubwo nayo yacishagamo igakora udutero shuma,bituma ku munota wa 82 Roberto Firmino winjiye mu kibuga asimbuye Coutinho ashyiramo igitego cya kabiri ku mupira yahawe na Neymar.

Brazil igomba guhura n’ikipe iraza kurokoka hagati y’Ububiligi na Japan mu mikino ya ¼ cy’iki gikombe cy’isi kiri kubera mu Burusiya.