Kigali

Bugesera FC ihagamye Rayon Sports iyikuraho amanota 3 ya mbere

Imikino   Yanditswe na: 21 October 2017 Yasuwe: 608

Ikipe ya Bugesera FC itsinze Rayon Sports igitego 1-0 biyihesha kubona amanota 3 yayo ya mbere dore ko yari yaratsinzwe imikino 2 yari imaze gukina muri uyu mwaka wa shampiyona 2017-2018 ndetse iba ikipe ya mbere itsinze Rayon Sports muri shampiyona y’uyu mwaka.

Ibifashijwemo n’ikibuga cyayo cyagoye abakinnyi ba Rayon Sports cyane,Bugesera FC ibashije gutsinda Rayon Sports igitego kimwe ku busa cyatsinzwe na Dusenge Bertin ku munota wa 50 w’umukino.

Uyu mukino wabereye ku kibuga cyo mu Bugesera cyari cyarahagaritswe kubera imirimo yo kugisana nyuma bikavugwa ko yimuwe, byatumye ikipe ya Bugesera FC yari imerewe nabi dore ko yari imaze gutakaza imikino 2 yandikira FERWAFA ibasaba ko bakongera kugikoresha iza kubibemerera, none birangiye ihatsindiye Rayon Sports mu mukino bari baje bifuzaga gutsinda kugira ngo biyunge n’abafana babo.

Mu ntangiriro z’uyu mukino ikipe ya Bugesera yakinaga ubona isa n’ishaka kunganya byatumye umunyezamu wabo Hussein ahabwa ikarita y’umuhondo azira gutinza umukino mu gice cya mbere,yashoboye gucungira hafi ba rutahizamu ba Rayon Sports bari bibuze kubera ikibuga gusa Tidiane Kone yaje kubona uburyo bwiza bwo kubona igitego ku munota wa 23.

Ku munota wa 33 umusore Manishimwe Djabel yateye umupira ukomeye ugarurwa n’umutambiko w’izamu gusa abasore ba Bugesera babasha kwihagararaho bakiza izamu ryabo.

Mu gice cya Kabiri Rayon Sports yatangiye ishaka gutungura Bugesera ndetse iza kubona igitego cyanzwe kubera ko Pierro yari yaraririye,yaje gutungurw ku munota wa 49 ubwo ikipe ya Bugesera yazamukanaga umupira maze Dusenge Bertin ahindura umupira ashaka guhereza Ruhinda bari bazamukanye ukubita kuri Manzi Thierry ujya mu izamu rya Bakame wari uhagaze nabi maze igitego cya Bugesera kiba kirinjiye.

Nyuma y’iki gitego byari bigoye kubona umukinnyi wa Bugesera wo hagati cyangwa w’inyuma ahereza umupira mugenzi we, kuko bawubonaga bakawutumbagiza mu kirere byatumye Karekezi agerageza gukora impinduka agakuramo Yannick agashyiramo Caleb ndetse na Kone agasimburwa na Gilbert nubwo ntacyo byamufashje.Urebye ikipe yose ya Rayon Sports byari byanze.

Nyuma y’iki gitego nta mahirwe akomeye yabonetse ku mpande zombi uretse Coup Franc nziza Pierro yabonye ku ikosa ryakorewe Djabel bikarangira ayiteye hejuru y’izamu.

Ubwo umukino wendaga kurangira,habaye gushyamirana hagati y’abakinnyi kubera ko umusore Samson Ikwechukwu yaryamye hasi abakinnyi ba Rayon Sports bagakeka ko ashaka gutinza umukino,amahane yateje ubushyamirane hagati ya Ally Bizimungu wa Bugesera na Karekezi Olivier wa Rayon Sports, bibaviramo kwirukanwa ku ntebe zabo maze boherezwa mu bafana.

Abakinnyi babanjemo ku mpande zombi:
Bugesera FC:
Ndayishimiye Hussein, Moussa Omar, Muhire Anicet, Turatsinze Heritier, Mugabo Ismael, Nzigamasabo Steve (c), Ndatimana Robert, Ntwali Jacques, Dusange Bertin, Sentongo Farouk na Irokon Samson.

Rayon Sports:Ndayishimiye Eric ‘Bakame’ (C), Nyandwi Saddam, Rutanga Eric, Mugabo Gabriel, Manzi Thierry, Niyonzima Olivier ‘Sefu’, Mukunzi Yannick, Nova Bayama, Tidiane Kone, Nahimana Shassir na Manishimwe Djabel.
Uko indi mikino yagenze
Etincelles FC 1-1 Mukura VS
Kirehe FC 1-0 Musanze FC

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ikipe ya Bugesera yahagamye APR FC naho Kiyovu itungurwa na AS...

Ikipe ya APR FC yari imaze imikino itandatu ya shampiyona y’uyu mwaka...
16 December 2018 Yasuwe: 2270 1

Biravugwa ko Nkunzingoma Ramadhan yeguye ku mirimo yo gutoza abazamu ba...

Umutoza w’abazamu ba Rayon Sports,Nkunzingoma Ramadhan,biravugwa ko yamaze...
14 December 2018 Yasuwe: 3421 0

Jose Mourinho yahaye Liverpool ubutumwa bwashimishije abakunzi ba...

Umutoza wa Manchester United,Jose Mourinho yabwiye Liverpool ko atazigera...
14 December 2018 Yasuwe: 3812 0

FC Barcelona yahaye igihano gitangaje Ousmane Dembele usigaye asiba...

Ubuyobozi bwa FC Barcelona bwahaye rutahizamu Ousmane Dembele igihano cyo...
14 December 2018 Yasuwe: 4089 0

Masudi Djuma yavuze impamvu ikomeye yatumye yanga kugaruka muri Rayon...

Umutoza wa AS Kigali yavuze ko ikipe ya Rayon Sports yamuvugishije nyuma yo...
14 December 2018 Yasuwe: 3187 0

Bashunga Abouba yasabye ubufasha bukomeye ubuyobozi bwa Rayon Sports nyuma...

Umunyezamu wa Rayon Sports,Bashunga Abouba watewe n’abagizi ba nabi mu ijoro...
14 December 2018 Yasuwe: 3484 2