Kigali

Bugesera FC yatiye imyenda y’abanyeshuli mu mukino yari yasuyemo Gicumbi FC

Imikino   Yanditswe na: Dusingizimana Remy 17 March 2019 Yasuwe: 2366

Ikipe ya Bugesera FC yahuye n’uruva gusenya ubwo yageraga ku kibuga cya Gicumbi FC igasanga yambaye imyenda isa ni’’y umunyezamu wayo bituma ijya gutira indi ku kigo cy’amashuli yo muri aka gace.

Mbere y’umukino w’umunsi wa 21 wa shampiyona y’icyiciro cya mbere mu Rwanda Gicumbi FC yanganyijemo na Bugesera FC igitego 1-1,Bugesera FC yabangamiwe bikomeye n’umunyezamu,Shyaka Régis wa Gicumbi, wari mu rugo wambaye imyenda isa n’iye, biba ngombwa ko ijya gutira ku kigo cy’amashuli.

Kubera gushaka imyenda kwa Bugesera FC,uyu mukino watangiye utinze gusa habuze gato ngo iterwe mpaga.

Guhuza imyambaro hagati y’ikipe yasuye n’umunyezamu bikomeje kubaikibazo gikomeye,ndetse na FERWAFA ireberera amakipe ntiragifatira umwanzuro.

Gicumbi FC yabimburiye izindi ubwo yambaye imyenda ya Real Madrid kubera gusanga yambaye imyenda isa n’iy’umunyezamu wa AS Muhanga yari yabakiriye.

Amakipe amwe n’amwe yakirmu Rwanda asigaye agerageza gushaka uko ateresha mpaga ikipe zasuye aho yambika abanyezamu isa n’iy’ikipe bari buhure
Mukura Victory Sport yari igiye guhurira n’ikibazo nk’iki i Nyagatare ubwo yari yakiriwe na Sunrise FC mu kwezi gushize, ariko baburirwa kare, batumiza imyenda muri imwe mu makipe y’i Huye.

Kuri uyu wa Gatandatu, ubwo Gicumbi FC yari yakiriye Bugesera FC mu mukino w’umunsi wa 21 wa shampiyona, yakoze ibisa nko kwihimura ku byo yakorewe i Muhanga mu mwaka ushize n’i Huye mu 2017, umunyezamu wayo Shyaka Régis yambara imyambaro isa n’amabara y’ikipe ya Bugesera FC.

Ibi byatindije umukino iminota itari mike, birangira Bugesera FC itiye abanyeshuri imyenda y’umuhondo irahindura, umukino ubona gutangira.

Amakipe yombi yagabanye amanota nyuma yo kunganya igitego 1-1. Mugenzi Bienvenue yatsindiye Bugesera FC mu gice cya mbere cy’umukino mu gihe igitego cya Gicumbi FC cyatsinzwe na Nshimiyimana Aboubakar mu minota ya nyuma kuri penaliti yakozwe na Ahishakiye Jacques wakoze umupira mu rubuga rw’amahina.

Bugesera FC yagize amanota 24 ku mwanya wa 10 mu gihe Gicumbi FC ifite amanota 17 ku mwanya 14.

Mu yindi mikino yabaye kuri uyu wa Gatandatu, Espoir FC yatsinzwe na Marines FC ibitego 2-0 bya Ndayisenga Ramadhan mu gihe AS Muhanga yatsinze Etincelles FC ibitego 2-1.

Kuri iki Cyumweru, Police FC irakira Kirehe FC ku Kicukiro naho Amagaju FC yakire Musanze FC. Umukino wa Rayon Sports na Kiyovu Sport, uwa Mukura Victory Sport na APR FC n’uwa Sunrise FC na AS Kigali yasubitswe kubera abakinnyi bari mu ikipe y’igihugu.


Gicumbi FC yashatse ko Bugesera FC iterwa mpaga birayipfubana

Source:IGIHE

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble AKAGA

    Ariko jye numva ikipe yasuwe ariyo iba igomba guhindura kuko umushyitsi ari umwami.
    Nko gushakira umuzamu indi myambaro byari byoroshye kuruta kwambika bushya ikipe yose!
    Cyangwa bajye bategeka ikipe kwitwaza uniforms ebyiri

    3 months ago

Inzindi nkuru

Umutoza wa Rayon Sports Robertinho yizihije isabukuru y’amavuko ari kumwe...

Umutoza wa Rayon Sports , Roberto Oliveira Gonçalves do Carmo, uri uri mu...
24 June 2019 0

Rayon Sports yatumiye perezida Kagame kuzaza kureba umukino wa nyuma...

Ubuyobozi bwa Rayon Sports burifuza ko nyakubahwa perezida Kagame...
24 June 2019 Yasuwe: 552 0

Tanzania na Kenya zagaragaje urwego rwo hasi cyane mu gikombe...

Tanzania yatsinzwe ibitego 2-0 na Senegal mu mukino yakozemo amakosa menshi...
24 June 2019 Yasuwe: 1020 0

Rayon Sports izacakirana na AS Kigali muri ½ cy’igikombe cy’Amahoro nyuma yo...

Ikipe ya Rayon Sports yongeye gutombora AS Kigali muri ½ cy’irangiza...
23 June 2019 Yasuwe: 4068 0

Abakinnyi ba Manchester United basabye ubuyobozi bwa Manchester United...

Abakinnyi bakomeye mu ikipe ya Manchester United ndetse n’umutoza wayo Ole...
23 June 2019 Yasuwe: 4770 0

Cristiano Ronaldo yatangaje benshi kubera ahantu yahuriye n’umutoza mushya...

Rutahizamu Cristiano Ronaldo yatumye benshi bacika ururondogoro kubera...
23 June 2019 Yasuwe: 4838 0