Kigali

Byinshi ukwiye kumenya ku mukino wa Super Cup utegerejwe uyu munsi

Imikino   Yanditswe na: 8 August 2017 Yasuwe: 638

Kuri uyu wa kabiri taliki ya 08 Kanama 2017 nibwo hategerejwe umukino uraza guhuza ikipe yatwaye igikombe cya UEFA Champions League Real Madrid n’iyatwaye UEFA Europa League Manchester United (UEFA Super Cup), umukino uraza kubera kuri National Arena Filip II mu mugi wa Skopje ho muri Macedonia, umukino uratangira saa 20:45.

Aya amakipe yombi afite ibigwi ku mugabane w’I Burayi araza gukina buri imwe afite abakinnyi bayo bakomeye cyane ko na Cristiano Ronaldo wari umaze iminsi mu biruhuko yagarutse ndetse ari ku rutonde rw’abakinnyi barakina uyu munsi.
Iyi kipe ya Manchester united iraza gukina uyu mukino idafite abakinnyi barimo Eric Bailly wahagaritswe kubera ikarita itukura yabonye ku mukino wa 1/2 cya Europa League bahuyemo na Anderlecht, Phil Jones uherutse guhagarikwa imikino ibiri na UEFA,Luke Shaw, Marcos Rojo na Ashley Young bafite ibibazo by’imvune.

Ikipe ya Real Madrid imaze gukina imikino ya Super Cup inshuro 5 aho yatsinze 3 itsindwa 2 kuri uyu mugoroba iraza gukina umukino wayo wa gatandatu naho ikipe ya Manchester United imaze gukina Super Cup inshuro 3 aho yatsinze 1 mu mwaka wa 1991 itsindwa inshuro 2.

Jose Mourinho amaze gutakaza igikombe Cya Super Cup inshuro ebyiri , hamwe na Chelsea mu 2013 atsindwa na Atletico Madrid ndetse na Porto mu 2003 ubwo yatsindwaga na AC Milan mu gihe Zinedine Zidane ni inshuro ya 3 agiye kugikina aho yagitwaye nk’umukinnyi muri Real Madrid 2002 ni umutoza 2014 na 2016. Mourinho afite agahigo ko gutoza amakipe 3 atandukanye (Chelsea,FC Porto na Manchester United) agakina iki gikombe.

Tumwe mu duhigo tw’iki gikombe ni uko amakipe yo muri Espagne amaze kwegukana ibi bikombe inshuro 7 mu nshuro 8 ziheruka muri UEFA Super Cup.Ikipe iheruka gutwara Europa League, ikanatwara Super Cup ni Atletico Madrid ubwo yatsindaga Chelsea ibitego 4-1 muri 2012.

FC Barcelone na AC Milan nizo zimaze kwegukana iki gikombe inshuro nyinshi (5) mu gihe Real Madrid .Real Madrid irashaka kuba ikipe ya mbere itwaye iki gikombe yikurikiranya, nyuma ya AC Milan yabikoze mu mwaka wa 1989 no mu 1990 kitarahindurirwa izina.

Aya makipe yombi amaze guhura inshuro 10 aho Real Madrid yatsinze 4 Manchester United itsinda 2 banganya 4 binjizanya ibitego 36 aho Real Madrid yinjije 20 mu gihe Manchester United yinjije 16.

Ibyo abatoza abatangaje

Zinedine Zidane: “Turi hano kubera ko dushaka gutsinda.Maze imyaka 16 muri Real Madrid ariko nakiniye andi makipe kandi yose uko yakabaye yifuzaga kuyitsinda kuko ni ikipe ikomeye ku isi.Turabizi ko buri mwaka tuba tutorohewe gusa dufite ubumuntu kandi ntiturarambirwa gutwara ibikombe.”

Jose Mourinho :Ndishimye kuba ngiye gukina Super Cup kandi ngahura n’ikipe yatwaye igikombe cya UEFA Champions League.Biba ari byiza gukina n’ikipe yatwaye igikombe gikomeye I Burayi kuko iba yubatse amateka akaomeye.Tugomba gukina neza kandi tukishimira gukina uyu mukino kuko si buri mukinnyi wese ugira amahirwe yo gukina iki gikombe.”

Abashobora kubanzamo ku mpande zombi:

Real Madrid: Navas; Carvajal, Ramos, Varane, Marcelo; Modrić, Casemiro, Kroos; Isco, Benzema, Bale Cristiano arashidikanywaho kubera imyitozo mike.

Manchester United: De Gea; Valencia, Smalling, Lindelof, Blind; Matic, Herrera, Pogba; Mkhitaryan, Lukaku, Rashford.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Manzi Thierry yabwiye amagambo akomeye abafana ba Rayon Sports bacitse...

Kapiteni wa Rayon Sports Manzi Thierry yabwiye abanyamakuru ko gutsindwa na...
15 August 2018 Yasuwe: 1904 0

Zinedine Zidane yatigishije isi kubera amagambo akomeye yatangaje

Umunyabigwi Zinedine Zidane yatunguye benshi kubera amagambo yatangarije...
15 August 2018 Yasuwe: 4250 0

Amagambo umutoza wa Real Madrid yavuze kuri Gareth Bale yatangaje...

Umutoza Julen Lopetegui wa Real Madrid yasingije bikomeye Gareth Bale...
15 August 2018 Yasuwe: 1637 0

Sergio Ramos yandagaje Klopp wamushinje kuvuna Salah abigambiriye

Myugariro wa Real Madrid akaba na kapiteni wayo Sergio Ramos yandagaje...
15 August 2018 Yasuwe: 1584 0

Benshi batewe ubwoba n’imvune y’umukinnyi wa Borussia Dortmund...

Umukinnyi witwa Dario Scuderi wagize imvune ikomeye mu mwaka wa...
14 August 2018 Yasuwe: 2476 0

Buffon yatangaje benshi kubera amagambo yavuze kuri Cristiano...

Umunyezamu Gianluigi Buffon wa PSG wahoze ari kapiteni wa Juventus mu myaka...
14 August 2018 Yasuwe: 2651 0