Impuzamashyirahamwe y’umupira w’amaguru muri Afurika CAF ryatangiye iperereza ku cyaha Rayon Sports ishinjwa cyo gushaka guha abasifuzi ruswa ku mukino wo kwishyura wa CAF Confederations Cup wabahuje na Lydia Ludic Academic mu Burundi. Rayon Sports ishobora gukurwa muri Champions League nihamwa n’icyaha cyo gushaka gutanga ruswa
CAF yandikiye Rayon Sports ibaruwa yo gutanga ibisobanuro kuri iki cyaha ivugwaho, aho bamwe mu bayobozi bayo bagaragaye kuri Hotel abasifuzi bari bacumbitsemo, aba (...)

Sponsored Ad

Impuzamashyirahamwe y’umupira w’amaguru muri Afurika CAF ryatangiye iperereza ku cyaha Rayon Sports ishinjwa cyo gushaka guha abasifuzi ruswa ku mukino wo kwishyura wa CAF Confederations Cup wabahuje na Lydia Ludic Academic mu Burundi.

Rayon Sports ishobora gukurwa muri Champions League nihamwa n’icyaha cyo gushaka gutanga ruswa

CAF yandikiye Rayon Sports ibaruwa yo gutanga ibisobanuro kuri iki cyaha ivugwaho, aho bamwe mu bayobozi bayo bagaragaye kuri Hotel abasifuzi bari bacumbitsemo, aba Lydia Ludic irabimenya ni ko kuza kuri Hotel bahashwanira n’aba bayobozi ba Rayon Sports babashinja gushaka gutanga ruswa cyane ko bafatiwe ku cyumba 501 cyarimo umusifuzi w’umukino .

Uku gushwana kwakomereje hanze ya hoteli biba ngombwa ko Police ibyinjiramo nyuma yaho abayobozi ba Rayon Sports bashakaga gutoroka babonye bikomeye gusa n’abakozi b’iyi Hoteli bemeje ko aba bagabo bafashwe ari aba Rayon Sports.

Ngiyi ibaruwa CAF yandikiye Rayon Sports

CAF yatangaje ko komiseri w’umukino yakoresheje camera za hoteli ndetse zigaragaza ko aba bayobozi ari aba Rayon Sports,akaba ariyo mpamvu bagiye gutangira iperereza ryimbitse kuri aya makipe yombi ndetse yahawe gutanga ibisobanuro kugeza ku wa 06 Werurwe 2018.

Nubwo abafana ba Rayon Sports bishimiye gukomeza,ibyishimo byabo bishobora kutaramba

Rayon Sports iramutse ihamwe n’iki cyaha, yahita ikurwa mu marushanwa ya CAF Confederations Cup aho igomba guhura na Mamelodi Sundowns mu mukino ubanza ku italiki ya 07 Werurwe 2018.

LLB ishobora guhabwa amahirwe yo gukomeza