Impuzamashyirahamwe y’umupira w’Amaguru muri Afurika CAF, ryahamagaje ikipe ya Rayon Sports na LLB gutanga ubuhamya kuri ruswa yavuzwe ku mukino wabahuje ukarangira Rayon Sports ariyo ikomeje itsinze igitego 1-0.
CAF imaze iminsi ikora iperereza ku byatangajwe na komiseri w’umukino ikipe ya Rayon Sports yahuriyemo na LLBA mu Burundi bikarangira itsinze igitego 1-0, aho byavuzwe ko mbere y’uyu mukino bamwe mu bayobozi ba Rayon Sports babonywe mu cyumba cy’umwe mu basifuzi b’umukino mu gihe nabo (...)

Sponsored Ad

Impuzamashyirahamwe y’umupira w’Amaguru muri Afurika CAF, ryahamagaje ikipe ya Rayon Sports na LLB gutanga ubuhamya kuri ruswa yavuzwe ku mukino wabahuje ukarangira Rayon Sports ariyo ikomeje itsinze igitego 1-0.

CAF imaze iminsi ikora iperereza ku byatangajwe na komiseri w’umukino ikipe ya Rayon Sports yahuriyemo na LLBA mu Burundi bikarangira itsinze igitego 1-0, aho byavuzwe ko mbere y’uyu mukino bamwe mu bayobozi ba Rayon Sports babonywe mu cyumba cy’umwe mu basifuzi b’umukino mu gihe nabo bemeza ko bari bagiye guhagarika abayobozi ba LLB gutanga ruswa bakahahurira.

LLB yifitiye icyizere cyo gutsinda Rayon Sports

Akanama gashinzwe imyitwarire muri CAF, kamaze kwandikira amakipe yombi kugira ngo azaze ku cyicaro cyayo ku cyumweru tariki ya 25 Werurwe kwiregura, gusa iyi baruwa ikaba ivuga ko atari itegeko ko aya makipe ahagera ndetse kayasabye ko akamenyesha hakiri kare ko azitabira.

Biravugwa ko imyanzuro yamaze gufatwa ndetse benshi mu bayobozi ba LLB bafite icyozere ko bashobora gutsinda Rayon Sports muri iki kirego kubera ibihamya bigaragara byatanzwe na komiseri w’uyu mukino.