Ikipe y’igihugu ya Cameroon itwaye igikombe cy’Afurika nyuma yo gutsinda Misiri 2-1 ku mukino wa nyuma.
Ibitego bya Nkoulou ku munota wa 58 na Vincent Paté Aboubakar ku munota wa 88 nibyo bihesheje Cameroon igikombe cy’Afurika mu gihe kimwe rukumbi cya Egypt cyabonetse ku munota wa 22 gitsinzwe na Mohamed El Neny.
Umupira watangiye ubona amakipe yombi asa nari ku rwego rumwe, gusa ubona Egpyt ariyo iri hejuru, byaje no kuyihira ku munota wa 22 ku mupira yari ahawe neza na Mohamed Salah, El (...)

Sponsored Ad

Ikipe y’igihugu ya Cameroon itwaye igikombe cy’Afurika nyuma yo gutsinda Misiri 2-1 ku mukino wa nyuma.

Ibitego bya Nkoulou ku munota wa 58 na Vincent Paté Aboubakar ku munota wa 88 nibyo bihesheje Cameroon igikombe cy’Afurika mu gihe kimwe rukumbi cya Egypt cyabonetse ku munota wa 22 gitsinzwe na Mohamed El Neny.

Umupira watangiye ubona amakipe yombi asa nari ku rwego rumwe, gusa ubona Egpyt ariyo iri hejuru, byaje no kuyihira ku munota wa 22 ku mupira yari ahawe neza na Mohamed Salah, El Neny yahise afungura amazamu. Amakipe yombi yakomeje gusatirana ariko kureba mu izamu biranga igice cya mbere kirangira ari 1-0.

Igice cya kabiri cyatangiye Cameroon isatira cyane, Egypt wabonaga isa niyiraye ariko icishamo igasatira, gusa abasore ba Cameroon bitandukanye n’igice cya mbere wabonaga bari hejuru ya Misiri, maze ku munota wa 58 Nicolas Nkoulou yahise yishyura biba 1-1.

Noneho Misiri yabonye ko byose bishoboka irakanguka itangira gusatira cyane ariko abasore ba Cameroon bari bamaze kwinjira mu mukino ntibaborohera, maze ku munota wa 88 igihe Misiri yatekerezaga ko bashobora kwinjira mu minota yinyongera, Vincent Paté Aboubakar yahise atsinda igitego cya kabiri ku ruhande rwa Cameroon maze n’umukino uba ari ko urangira, Cameroon iba itwaye igikombe ityo.

Uretse Cameroon yegukanye igikombe twabibutsa ko Burkina Faso ariyo yatwaye umwanya wa gatatu nyuma yo gutsinda Ghana ku munsi w’ejo hashize.