Amakipe 2 y’ibigugu yatwaye ibikombe bya shampiyona mu mwaka ushize Chelsea yatwaye premier League na Real Madrid yatwaye La Liga na UEFA Champions League zongeye gutakaza amanota kuri uyu wa Gatandatu. Ikipe ya Chelsea inganyije na Leicester City 0-0 ku kibuga cyayo Stamford Bridge 0-0,uba umukino wa 3 inganyije yikurikiranya dore ko yanganyije inshuro 2 ziheruka na Arsenal. Icyatunguye abakunzi ba Ruhago,ni uko ikipe ya Leicester City yabonye ikarita itukura ku munota wa 67 yahawe (...)

Sponsored Ad

Amakipe 2 y’ibigugu yatwaye ibikombe bya shampiyona mu mwaka ushize Chelsea yatwaye premier League na Real Madrid yatwaye La Liga na UEFA Champions League zongeye gutakaza amanota kuri uyu wa Gatandatu.

Ikipe ya Chelsea inganyije na Leicester City 0-0 ku kibuga cyayo Stamford Bridge 0-0,uba umukino wa 3 inganyije yikurikiranya dore ko yanganyije inshuro 2 ziheruka na Arsenal.

Icyatunguye abakunzi ba Ruhago,ni uko ikipe ya Leicester City yabonye ikarita itukura ku munota wa 67 yahawe myugariro Chilwell ariko iyi kipe yari mu rugo inanirwa kubona igitego.

Ku rundi ruhande ikipe ya Real Madrid ikomeje kubabaza bikomeye abakunzi bayo kuko imaze gutsindirwa mu rugo na Villareal igitego 1-0 cyatsinzwe na Pablo Fornals ku munota wa 87 w’umukino.

Kugeza ubu mu mikino 18 Real Madrid imaze gukina,irarushwa amanota 16 na FC Barcelona ifite amanota 48 ndetse irebye nabi ishobora kuva mu makipe 4 ya mbere kuko iyi Villareal iyikurikiye iyirusha inota 1 gusa.

Ku ruhande rwa Chelsea,biravugwa ko ishobora gutandukana n’umutoza wayo Antonio Conte mu mpera z’iyi shampiyona mu gihe Zinedize Zidane utoza Real Madrid yongerewe amasezerano azagera mu mwaka wa 2020.