Kigali

Chelsea FC yahangamuye Manchester City yari yarananiranye muri Premier League y’uyu mwaka

Imikino   Yanditswe na: Dusingizimana Remy 8 December 2018 Yasuwe: 1983

Ikipe ya Chelsea ibashije guhagarika Manchester City yari igeze ku munsi wa 16 aho yayitsinze ibitego 2-0 mu mukino wari uryoheye ijisho wabereye ku kibuga Stanford Bridge.

Chelsea FC yaherukaga gutsindwa na Wolves ibitego 2-1 ku wa Gatatu w’iki cyumweru,ihangamuye ikigugu Manchester City cyari kimaze kwigarurira amakipe mu Bwongereza ndetse cyanyagiraga buri wese bahuye.

Manchester City yaherukaga gutsindwa muri Shampiyona taliki ya 07 Mata uyu mwaka na Manchester United ibitego 3-2,yatsinzwe na Chelsea yari imbere yabo ibitego 2-0 byatsinzwe na N’golo Kante na David Luiz.

Manchester City yarushaga Chelsea ku buryo bukomeye yahuye n’uruva gusenya ubwo N’golo Kante yafunguraga amazamu ku munota wa 45 w’umukino, nyuma y’umupira ukomeye yatereye mu rubuga rw’amahina awuherejwe na Eden Hazard aho iri shoti ryari ryo rya mbere bateye mu izamu.

Igice cya kabiri cyatangiye bigaragara ko umutoza Maurizio Sarri yize neza imikinire ya Pep Guardiola cyane ndetse Chelsea ntiyongeye gutinya gusatira byayifashije kuguma mu mukino kurusha Manchester City.

Manchester City yari yihariye koluneri ndetse imaze kugira 11 ku busa bwa Chelsea yaje gutungurwa ubwo ku munota wa 78 Chelsea yabonaga iya mbere yatewe neza na Eden Hazard,David Luiz aterekaho umutwe igitego cya kabiri kiba kirinjiye.

Gutsindwa kwa Manchester City kwatumye itakaza umwanya wa mbere muri shampiyona wahise ufatwa na Liverpool yanyagiye AFC Bournemouth ibitego 4-0 birimo 3 ya Mohamed Salah.

Arsenal nayo yabashije kwitwara neza itsinda igitego 1-0 cya Lucas Torreira mu minota 10 ya nyuma biyifasha gutera intambwe iyerekeza mu makipe 4 ya mbere .






Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports irimo umwenda w’akayabo ka Miliyoni 600

Rayon Sports yegukanye igikombe cya shampiyona umwaka w’imikino wa 2018-19,...
20 July 2019 Yasuwe: 909 0

Rugwiro Herve yatangaje abakinnyi birukanwe muri APR FC bikamutungura...

Myugariro mushya wa Rayon Sports,Rugwiro Herve yatangaje byinshi ku...
20 July 2019 Yasuwe: 7347 0

Neymar Jr yatangaje myugariro wamubangamiye kurusha abandi bose yahuye...

Umukinnyi Neymar Jr w’imyaka 26 ukina asatira mu ikipe ya PSG yo mu...
20 July 2019 Yasuwe: 4406 0

Matthijs de Ligt yasubije abavuga ko Cristiano Ronaldo ariwe watumye ajya...

Ibinyamakuru byo ku mugabane w’Uburayi bimaze iminsi bivuga ko myugariro...
20 July 2019 Yasuwe: 1588 0

Amakipe yageze ku mukino wa nyuma wa CECAFA Kagame Cup yamaze...

Amakipe yagaragaje imbaraga zidasanzwe mu mikino ya CECAFA Kagame Cup y’uyu...
20 July 2019 Yasuwe: 2191 0

Algeria yatwaye igikombe cya Afurika yaherukaga mu myaka 29...

Ikipe y’igihugu ya Algeria niyo yegukanye igikombe cya Afurika 2019 nyuma yo...
20 July 2019 Yasuwe: 1459 0