Kigali

Chelsea FC yanyagiye Arsenal FC iyitwara igikombe cya UEFA Europa League

Imikino   Yanditswe na: Dusingizimana Remy 29 May 2019 Yasuwe: 1658

Umutoza Maurizio Sarri abashije kwegukana igikombe cye cya mbere kuva yakwinjira mu mwuga w’ubutoza,nyuma yo gufasha Chelsea kunyagira Arsenal ibitego 4-1 ku mukino wa nyuma wa UEFA Europa League wabereye I baku muri Azerbaijan.

Chelsea yaherukaga gutwara iki gikombe cya Europa League mu mwaka wa 2013,yongeye kwegukana iki gikombe itsinze Arsenal yari ku rwego rwo hasi mu gice cya kabiri ibitego 4-1.

Igice cya mbere cy’umukino cyarangiye ari 0-0 ariko Chelsea niyo yabonye amahirwe akomeye kurusha Arsenal aho Emerson na Giroud basigaranye n’umunyezamu Petr Cech,bagerageza gutera mu izamu akababera ibamba.

Mu gice cya kabiri Chelsea FC yaje yariye karungu,ishyiramo ibitego aho ku munota wa 49 yafunguye amazamu ku gitego cyatsinzwe na Olivier Giroud ku mupira mwiza yahawe na Emerson,awutera n’umutwe.

Ku munota wa 60 Pedro yahise ashyiramo igitego cya kabiri ku mupira mwiza yahawe na Eden Hazard wari umaze kuwambura myugariro Maitland Niles.

Ku munota wa 65 Maitland Niles wari ku rwego rwo hasi cyane yategeye mu rubuga rw’amahina Olivier Giroud,umusifuzi Rocchi atanga penaliti yinjijwe neza na Eden Hazard.

Arsenal yabonye igitego cy’impozamarira ku munota wa 69 ku ishoti rikomeye ryatewe na Iwobi,umunyezamu Kepa ntiyarigarura.

Chelsea yaje kubona igitego cya kane ku munota wa 72 gitsinzwe na Hazard ku mupira wambuwe Aubameyang,Hazard awuhereza Giroud nawe awumuha neza asigaranye n’izamu atsinda igitego cyiza cyane.

Arsenal itakaje amahirwe yo kuzakina UEFA Champions League y’umwaka utaha kuko yasabwaga gutwara iki gikombe ariko ntabwo yabigezeho.

Chelsea imaze gutwara ibikombe 3 byo ku mugabane w’I burayi uhereye 2012 ubwo yatwaraga UEFA Champions League.

Nyuma yo kwitwara neza muri uyu mukino wa nyuma,Eden Hazard yatangarije BT ko kuri we yamaze gufata umwanzuro wo kuva muri Chelsea ategereje ko amakipe yombi yumvikana.






Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Hamza Runaniza wakiniraga Marines FC yasinye imyaka 4 muri Rayon...

Myugariro ukiri muto wakiniraga ikipe ya Marines FC witwa Runanira...
19 June 2019 Yasuwe: 2484 0

Kiyovu Sports na AS Kigali zamaze gusaba umujyi wa Kigali ko wazihuza...

Abayobozi b’amakipe 2 akomeye mu mujyi wa Kigali ariyo AS Kigali na Kiyovu...
19 June 2019 Yasuwe: 1476 2

PSG yasabye Real Madrid umukinnyi wayo ukomeye kugira ngo ibahe Neymar...

Ikipe ya PSG irifuza kugurisha umukinnyi Neymar Jr mu ikipe iyo ariyo yose...
19 June 2019 Yasuwe: 4112 0

Lionel Messi yategetse ubuyobozi bwa FC Barcelona gusinyisha vuba...

Kapiteni FC Barcelona yirengagije ibyamubayeho mu minsi ishize muri Copa...
19 June 2019 Yasuwe: 3117 0

Biravugwa: Hakizimana Muhadjiri yamaze kumvikana n’ikipe ya AS VITA...

Ikipe ya AS Vita Club yo mu mujyi wa Kinshasa muri RDC, yamaze kumvikana na...
19 June 2019 Yasuwe: 2656 0

CAF yatangaje ingano y’amadolari azahembwa ikipe izegukana igikombe cya...

Impuzamashyirahamwe y’umupira w’amaguru muri Afrika CAF,yamaze gutangaza ko...
19 June 2019 Yasuwe: 2061 0