Ikipe ya Chelsea ishobora gutakaza Thibaut Courtois mu minsi mike,biravugwa ko iri mu biganiro bikomeye n’uwahoze ari umunyezamu wayo Petr Cech ukinira Arsenal ndetse bifuza kumugarura kugira ngo abafashe.

Sponsored Ad

Abafana ba Chelsea hirya no hino ku isi barimo kwibasira abashinzwe kubashakira abakinnyi kuko badashaka uyu munyezamu umaze iminsi atsindisha Arsenal byatumye imuguriraho undi munyezamu witwa Bernd Leno.

Cech wamaze imyaka 11 akinira Chelsea akayihesha ibikombe bine bya Premier League na UEFA Champions League mu mwaka wa 2012,ashobora kongera kuyigarukamo cyane ko bishoboka ko ashobora gutakaza umwanya ubanza mu kibuga mu ikipe ya Arsenal.

Umutoza mushya wa Chelsea Maurizio Sarri ari mu ntambara yo gushaka umunyezamu aho bivugwa ko uretse Cech ishobora kugura hagati ya Kasper Schmeichel na Gianluigi Donnarumma.

Petr Cech yahesheje UEFA Champions League Chelsea muri 2012

Petr Cech w’imyaka 36 arifuza kuguma muri Arsenal agahatanira umwanya wo gukina nkuko bitangazwa na The Sun gusa Emery arashaka amafaranga yo kugura abandi bakinnyi azava mubo azarekura barimo Welbeck,Ospina n’abandi.