Kigali

Ciza Hussein yatangaje impamvu nyamukuru yatumye asinyira ikipe ya Rayon Sports

Imikino   Yanditswe na: Dusingizimana Remy 21 June 2019 Yasuwe: 2641

Umukinnyi Ciza Hussein wasinyiye ikipe ya Rayon Sports uyu munsi yatangaje ko impamvu nyamukuru yasinyiye ikipe ya Rayon Sports ari uko ari inzozi yahoranye kuva akiri muto ndetse ngo akunda abafana cyane.

Kuri uyu wa Gatanu tariki 21 Kamena 2019,nibwo Ciza Hussein yasinyiye Rayon Sports amasezerano y’imyaka 2, mu muhango wabereye ku Kimihurura ku cyicaro cya MK Sky Vision, umufatanyabikorwa wa Rayon Sports.

Nyuma yo gusinyira Rayon Sports imyaka 2 agahabwa na miliyoni 8 FRW,Ciza Hussein yatangaje ko yakuze akunda Rayon Sports ndetse akunda ko igira abafana benshi.

Yagize ati “ Kuri njyewe ni ibyishimo, ni umunsi wanjye w’amateka kuko nje mu ikipe nkuru y’u Rwanda. Rayon Sports ni ikipe izwi ahantu hose, ifite amateka. Nje mfite ibyishimo byo gukorera iyi kipe. Abantu benshi mu gihugu bakunda Rayon Sports, nanjye ndimo.”

Ciza Hussein yavuze ko yishimiye ko abafana ba Rayon Sports aribo bamuguze ariyo mpamvu agiye kwitanga kugira ngo bishime.

Ihuriro rya za fan Clubs (Fan Base) za Rayon Sports niryo ryatanze Miliyoni 8 FRW yaguzwe uyu mukinnyi Mukinnyi Ciza Hussein ariyo mpamvu ubwo yasinyaga amasezerano hari Runigababisha Mike, Nshimiyimana Emmanuel bita Matic hamwe na Muhawenimana Jean Claude bari bahagarariye urwego rwa Fan Base.

Uretse abahagarariye Fan Base, abandi basinye ku masezerano harimo Muhirwa Freddy, Visi Perezida wa Rayon Sports, Paul Ruhamyambuga, Perezida w’icyubahiro wa Rayon Sports, Munyakazi Sadate ukuriye MK Sky Vision, Twagirayezu Thadee ukuriye discipline muri Rayon Sports.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umutoza mushya wa Rayon Sports yageneye ubutumwa bukomeye abakinnyi bayo...

Umutoza mushya wa Rayon Sports,Javier Martinez Espinoza yatangaje ko aziko...
21 September 2019 Yasuwe: 4072 0

Rayon Sports yamaze gutangaza umutoza mushya wagizwe ibanga...

Umutoza ukomoka muri Mexico witwa Javier Martinez Espinoza w’imyaka 46 niwe...
21 September 2019 Yasuwe: 3206 1

Losciuto byavugwaga ko yagizwe umutoza wa Rayon Sports yabihakanye

Umutoza Jean Francois Losciuto byavugwaga ko yamaze kumvikana na Rayon...
21 September 2019 Yasuwe: 2535 0

Umukunzi wa Cristiano Ronaldo yongeye kuvugisha benshi ku mbuga...

Umukunzi wa Cristiano Ronaldo witwa Georgina Rodriguez yaciye ibintu ku...
21 September 2019 Yasuwe: 3550 0

Abatoza 3 bari kuganirizwa mu ibanga kugira ngo bazavemo usimbura Zinedine...

Ishyamba si iryeru mu ikipe ya Real Madrid iherutse kwitwara nabi cyane mu...
21 September 2019 Yasuwe: 2895 0

Rayon Sports yimuye italiki yagombaga gutangarizaho umutoza wayo...

Ubuyobozi bwa Rayon Sports bwamaze kwimura igihe bwagombaga gutangariza ku...
20 September 2019 Yasuwe: 3096 4