Irushanwa rihuza amakipe yabaye aya mbere ku mugabane w’Uburayi rirakomeza hakinwa imikino ibiri yo kwishyura ya 1/4, iyi mikino ikaba iribunemeze amakipe abiri ya mbere ari bugere muri 1/2.
Ikipe ya Real Madri iraba yakiriye ikipe ya Bayern Munich, umukino ukaba uri bubere Santiago Bernabeu. Umukino ubanza Real Madrid yatsinze 2-1.
Ni umukino utavuga ngo iyi kipe niyo ihabwa amahirwe yo kuba yawutsinda cyangwa ngo iragera muri 1/2. Iyo ufashe imikino 9 aya makipe yahuyemo usanga nta (...)

Sponsored Ad

Irushanwa rihuza amakipe yabaye aya mbere ku mugabane w’Uburayi rirakomeza hakinwa imikino ibiri yo kwishyura ya 1/4, iyi mikino ikaba iribunemeze amakipe abiri ya mbere ari bugere muri 1/2.

Ikipe ya Real Madri iraba yakiriye ikipe ya Bayern Munich, umukino ukaba uri bubere Santiago Bernabeu. Umukino ubanza Real Madrid yatsinze 2-1.

Ni umukino utavuga ngo iyi kipe niyo ihabwa amahirwe yo kuba yawutsinda cyangwa ngo iragera muri 1/2. Iyo ufashe imikino 9 aya makipe yahuyemo usanga nta mukino n’umwe yigeze anganya. Real Madrid yatsinzemo 5 itsindwa 4, Bayern Munich itsindamo 4 itsindwa 5.

Niyo urebye uburyo amakipe ahagaze kuri ubu usanga no kuri uyu mugoroba saa 20:45 nta kunganya kuri buhabe ikipe imwe iratsinda indi. Abakinnyi ku mpamde zombi barahari uretse Gareth Bale ku ruhande rwa Real Madrid ufite ikibazo cy’imvune.

Aya makipe agiye gukina uyu mukino nyuma y’uko Real Madrid imaze gutsinda umukino wa shampiyona yari ifitanye na Sporting Gijon 2-1 hari tariki ya 15 Mata 2017, kuri iyo tariki Bayern Munich yanganyije na Bayern Leiverkusen.

Undi mukino uteganyijwe kuri uyu munsi, ikipe ya Leicester City King Power Stadium irakira ikipe Atletico Madrid, umukino ubanza Atletico Madrid yari yatsinze Leicester City 1-0.

Indi mikino ibiri iteganyijwe ku munsi w’ejo Barussia Dortmund izajya mu Bufaransa kwa Monaco mu gihe Juventus izaba yagiye muri Espagne gusura FC Barcelona.