skol
fortebet

CL: Ibitego 5 bya Cristiano bifashije Real Madrid kugera muri 1/2, Ronaldo yuzuriza ibitego 100 bya Champions League kuri Bayern

Yanditswe: Wednesday 19, Apr 2017

Sponsored Ad

Cristiano Ronaldo afashije Real Madrid gukatisha tike ya 1/2 cya Champions League nyuma yo gusezerera Bayern Munich ku giteranyo k’ibitego 6-3 harimo 5 bya Cristiano Ronaldo ndetse bimufasha gushyiraho agahigo ko gutsinda ibitego 100 muri Champions League kuko yagiye gukina uyu mukino afite 97 akaba yawutsinzemo 3.
Umukino wo kwishyura wa 1/4 wahuzaga Real Madrid na Bayern Munich urangiye ari 4 bya Real Madrid kuri 2 bya Bayern Munich, muri ibi bine hakaba harimo 3 bya Ronaldo na 1 cya (...)

Sponsored Ad

Cristiano Ronaldo afashije Real Madrid gukatisha tike ya 1/2 cya Champions League nyuma yo gusezerera Bayern Munich ku giteranyo k’ibitego 6-3 harimo 5 bya Cristiano Ronaldo ndetse bimufasha gushyiraho agahigo ko gutsinda ibitego 100 muri Champions League kuko yagiye gukina uyu mukino afite 97 akaba yawutsinzemo 3.

Umukino wo kwishyura wa 1/4 wahuzaga Real Madrid na Bayern Munich urangiye ari 4 bya Real Madrid kuri 2 bya Bayern Munich, muri ibi bine hakaba harimo 3 bya Ronaldo na 1 cya Asensio. Ikaba yahise isezerera Bayern Munich ku giteranyo cy’ibitego 6-3, harimo bitanu bya Ronaldo.

Igice cya mbere cyatangiye ikipe ya Bayern Munich isatira cyane nko mu minota 10 ya mbere ariko ntibyigira icyo bitanga.

Real Madrid yaje gukanguka maze isatira cyane ikipe ya Bayern Munich abasore barimo Carvajal, Isco na Ronaldo bagerageza amashoti ariko umuzamu Nuer ababera ibamba.

Amakipe yombi yakomeje gukina ariko igice cya mbere kirangira nta kipe ibashije kureba mu izamu ry’indi.

Igice cya kabiri cyatangiye ikipe ya Bayern Munich isatira cyane maze ku munota wa 53 ku ikosa Casemiro yakoreye Roben mu rubuga rwa mahina batanze penaliti maze yinjizwa neza na Lewandowisk.

Bayern yakomeje gusatira cyane ariko kongera kubona izamu biranga.

Ku munota wa 76 ku mupira yari ahawe na Casemiro Cristiano yatsinze igitego cy’umutwe biba bibaye 1-1, bikaba 3-2 mu mikino yombi.

Nyuma y’imunota ibiri gusa Ramos yaje kwitsinda igitego biba bibaye 2 bya Bayern kuri 1 cya Real Madrid. Amakipe yombi yahise anganya ibitego 3-3 mu mikino yombi kuko umukino ubanza Real Madrid yari yatsinze 2-1.

Ku munota wa 84 Arturo Vidal yahawe ikarita ya kabiri y’umuhondo ku ikosa yari akoreye Asensio maze ahita ahabwa ikarita y’umutuku asohoka mu kibuga.

Amakipe yombi akaba yaje kurangiza iminota 90 ntayindi yongeye kureba mu izamu, biba ngombwa ko bitabaza iminota yinyongera.

Iminota yinyongera yatangaiye amakipe yombi ashaka igitego kintsinzi ariko kukibona biranga. Ku munota w’114 ku mupira yahinduriwe neza imbere y’izamu na Ramos, Ronaldo yatsinze igitego cya 2 cya Real muri uyu mukino.

Ku munota wa 110 ku kazi gakomeye kakozwe na Marcelo Ronaldo yatsinze igitego cya Gatatu muri uyu mukino. Nyuma y’umunota umwe Asensio yatsinze igitego cya 4 biba bibaye 6-3 mu mikino yombi Bayern Munich isezererwa ityo.

Undi mukino wabaye ikipe ya Leicester City yanganyije na Atletico Madrid 1-1, Leicester ihita isezererwa kuko yari yatsinzwe 1-0 mu mukino ubanza.

Hakaba hategerejwe kumenya amakipe 2 azasanga Real Madrid na Atletico Madrid muri 1/2. Ni imikino izaba ejo Barcelona yakiriye Juventus naho Monaco yakire Borussia Dortmund.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa