Abataha izamu ba Real Madrid bananiwe gukura Cristiano Ronaldo ku isonga ry’abayitsindiye ibitego byinshi muri 2018 nubwo amaze amezi asaga 5 ayivuyemo yerekeje muri Juventus.

Sponsored Ad

Mu mwaka wa 2018 Ronaldo aracyarusha ibitego Gareth Bale,Karim Benzema,Marco Asensio,Marianno Diaz n’abandi ba rutahizamu ba Real Madrid kandi amaze amezi arenga 5 atayikinira.

Cristiano Ronaldo afite ibitego 28,akurikiwe na Gareth Bale ufite 27,Karim Benzema afite 18 ,Ramos afite 10,mu gihe Marco Asensio na Isco bafite ibitego 8.

Ronaldo afite agahigo katoroshye muri Real Madrid ya 2018 kuko yatsinze ibi bitego 28 mu mikino 22 yayikiniye gusa.

Real madrid yagurishije Cristiano Ronaldo muri Juventus ku kayabo ka miliyoni 100 z’amapawundi,yasubiye inyuma mu busatirizi kuko ubu ari iya 6 muri La Liga mu makipe amaze gutsinda ibitego byinshi inyuma ya Barcelona, Sevilla, Levante, Celta na Atletico Madrid.