Cristiano Ronaldo yaciye agahigo kari kamaze imyaka myinshi muri Serie A mu mezi 5 gusa
Yanditswe: Saturday 29, Dec 2018
Rutahizamu Cristiano Ronaldo yafashiej Juventus gutsinda ikipe ya Sampdoria ibitego 2-1 ,bituma aca agahigo ko kuba umunya Portugal watsinze ibitego byinshi mu mwaka umwe w’imikino muri Serie A, akuyeho agahigo kari gafitwe na Rui Barrios watsinze ibitego 12 mu mwaka w’imikino 1988-89.
Cristiano yatsinze igitego cya 14 muri Serie A y’uyu mwaka,kuko ariwe watsinze ibi bitego byombi batsinze Sampdoria birimo n’icyo yatsinze kuri Penaliti.
Igitego cya kabiri yatsinze,cyatumye yuzuza ibitego 49 muri uyu mwaka wa 2018 gusa bituma akomeza kwandika amateka muri ruhago ku isi.
Ronaldo umaze amezi 5 muri Juventus,yakuyeho agahigo ka Barrios wabikoze mu mwaka w’imikino wose ariko uyu we bimusabye igice kimwe gusa cya shampiyona.
Ronaldo ahise ayobora ba rutahizamu muri Serie A by’agateganyo n’ibitego 14 mu mikino 19 amaze gukina,yaciye kuri Krzysztof Piatek wa Genoa ufite ibitego 13 .
Leave a Reply
Your email address will not be published. Required fields are marked *