Kigali

Cristiano Ronaldo yahawe igihembo gikomeye[AMAFOTO]

Imikino   Yanditswe na: Martin Munezero 30 July 2019 Yasuwe: 2794

Umunya-Portugal Cristiano Ronaldo, yaraye ashyikirijwe igihembo kizwi nka MARCA Legend award gitangwa n’ikinyamakuru Marca gikorera i Madrid mu murwa mukuru w’igihugu cya Espagne.

Cristiano yashyikirijwe iki gihembo kubera ibikorwa by’indashyikirwa yagezeho ubwo yakiniraga Real Madrid.

Ni igihembo ikinyamakuru Marca cyatangiye gutanga mu 1997. Ibihangage mu mikino itandukanye nk’umuteramakofe Muhammed Ali, Usain Bolt, Michael Jordan, Pele, Diego Maradona na Lionel Messi na bo bagiye begukana iki gihembo.

Cristiano Ronaldo yagiye i Madrid gufata iki gihembo aherekejwe n’umukunzi we Georgina Rodriguez, mu birori byabereye mu nzu ikomeye yitwa Teatro Reina Victoria.

Mu myaka icyenda Ronaldo yakiniye Real Madrid mbere yo kuyivamo mu mpeshyi y’umwaka ushize yerekeza muri Juventus, yashoboye gutwarana na yo ibikombe bine bya UEFA Champions league, ibikombe bibiri bya shampiyona Espagne ndetse na Copa del Rey ebyiri.

Ni nyuma yo gutsindira iyi kipe y’i Madrid ibitego 451 mu mikino 438 yayikiniye mu marushanwa atandukanye.

Mu ijambo rye, Cristiano Ronaldo yavuze ko yagiye mu mijyi myinshi itandukanye, gusa yose ikaba nta n’umwe umurutira Madrid yizera ko azagarukamo mu gihe cya vua.

Ati” Nkunda kugenda cyane, gusa si imijyi myinshi imeze nka Madrid nigeze mbona. Ndizera kugaruka i Madrid vuba bishoboka kuko ari umujyi nkunda.”

Cristiano Ronaldo yanabajijwe niba yaba akumbuye i Madrid kuruta i Manchester, ashimangira ko i Madrid ari ho akumbuye cyane kubera igihe kinini yahamaze.

Ati” Imijyi yombi ndayikumbuye, gusa namaze igihe kinini muri Real Madrid kandi umuryango wanjjye wakuriye aha, rero Madrid ni yo nkumbuye cyane. Ntabwo byari byoroshye kuva muri Real Madrid nyuma y’imyaka icyenda”.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mukura VS yahaye isomo rya ruhago Gicumbi FC iyobora shampiyona...

Ikipe ya Mukura VS iherutse kwirukana burundu umutoza Olivier...
20 October 2019 Yasuwe: 3886 0

Lionel Messi yakuye umutima abafana ba FC Barcelona kubera ibyo yatangaje...

Rutahizamu Lionel Messi yavuze ko atazigera yemera gusinyira FC Barcelona...
20 October 2019 Yasuwe: 3275 0

Kimenyi Yves nawe yavuze ku kuba ngo umukunzi we yaramutaye akisangira undi...

Umunyezamu w’Ikipe y’Igihugu Amavubi na Rayon Sports Kimenyi Yves yavuze ko...
20 October 2019 Yasuwe: 8428 2

Sadio Mane yavuze kuri Messi wamutoye nk’umukinnyi witwaye neza kurusha...

Rutahizamu wa Liverpool na Senagal,Sadio Mane, yavuze bwa mbere kuri Lionel...
20 October 2019 Yasuwe: 3636 1

Solskjaer yabwiye Liverpool amagambo arimo incyuro mbere yo guhura...

Mbere y’umukino byitezwe na benshi ko Manchester United irabatizwa na...
20 October 2019 Yasuwe: 2661 0

Uruganda rwa Cimerwa rwahaye ibikoresho ya kipe y’abana yagaragaye mu...

Kuri uyu wa gatandatu, ubuyobozi bw’uruganda nyarwanda rukora sima rwa...
20 October 2019 Yasuwe: 3827 1