Gutsindirwa mu rugo kwa Manchester City n’ikarita itukura yahawe Cristiano Ronaldo ni bimwe mu byaranze imikino ya UEFA Champions League yo kuri uyu wa Gatatu yagaragayemo kandi gukomeza kuyobora kwa Real Madrid .

Sponsored Ad

Ikipe ya Manchester City yari imbere y’abafana bayo yandagajwe na Lyon yayitsinze ibitego 2-0 mu gice cya mbere bikarangira yishyuye igitego kimwe mu gice cya kabiri.

Ku munota wa 26 w’umukino nibwo umunya Cote d’Ivoire Maxwel Cornet yafunguye amazamu ku ruhande rwa Lyon hanyuma Nabil Fekir ashyiramo igitego cya kabiri ku munota wa 43 mu gihe Manchester City yatsindiwe igitego cy’impozamarira na Brnardo Silva ku munota wa 67 w’umukino.

Uyu mukino Pep Guardiola ntiyawutoje kubera ibihano imyitwarire mibi yagize muri UEFA Champions League yashize ubwo yoherezwaga mu bafana ku mukino wo kwishyura wa ¼ yahuyemo na Liverpool.

Cristiano Ronaldo ntiyahiriwe n’umukino we wa mbere yakiniye Juventus mu mikino ya UEFA Champions League kuko yahawe ikarita itukura ku munota wa 29 w’umukino azira gukurura imisatsi myugariro wa Valencia witwa Jeison Murillo,wari wamuzengereje cyane kuva umupira ugitangira.

Iyi yabaye ikarita itukura ya 11 Cristiano Ronaldo yahawe mu mateka ye nk’umukinnyi gusa n’iya mbere yeretswe mu mikino ya UEFA Champions League imuhira cyane.

Nubwo yakinnye ari abakinnyi 10 iminota igera kuri 60,Juventus yatsindiye Valencia ibitego 2-0 iwayo byose byatsinzwe kuri penaliti na Miralem Pjanic.

Manchester United yabashije gutsindira Young Boys ku kibuga cyayo cy’ubwatsi bw’ubukorano ibitego 3-0 byatsinzwe na Paul Pogba watsinze 2 na Anthony Martial.

Real Madrid yongeye gushimangira ko ari umwami wa UEFA Champions League kuko yari yakiriye AS Roma iyitsinda ibitego 3-0 byatsinzwe na Isco kuri Coup franc,Gareth Bale na Mariano Diaz watsnze igitego cyiza cyane.

Nubwo ikarita itukura yahawe Ronaldo itavuzweho rumwe,ishobora gutuma ahagarikwa imikino 2 naramuka ahamwe n’icyaha cyo gusagararira uyu mukinnyi,aho y asiba umukino Juventus izakina na Manchester United mu Bwongereza mu itsinda H bahuriyemo.

Uko imikino yose yagenze: